బైక్ పేలి పది మందికి తీవ్ర గాయాలు...

బైక్ పేలి పది మందికి తీవ్ర గాయాలు...

ద్విచక్రవాహనం పెట్రోల్ ట్యాంక్ పేలి పది మందికి గాయాలైన ఘటన హైదరాబాద్ పాతబస్తీ భవానీనగర్ పోలీస్ స్టేషన్ పరిధిలో చోటు చేసుకుంది. బుల్లెట్ బైక్ కు మంటలు అంటుకోవడంతో స్థానికులు నీళ్లు పోసి ఆర్పేందుకు ప్రయత్నించారు. ఈక్రమంలోనే మంటలు పెట్రోల్ ట్యాంకుకు చేరి ఒక్కసారిగా పేలుడు సంభవించింది. దీంతో ఓ పోలీస్ సహా పదిమంది తీవ్రంగా గాయపడ్డారు. వారిని హుటాహుటిన ఆసుపత్రికి తరలించారు. ఇందులో ఇద్దరి పరిస్థితి విషమం గా ఉన్నట్లు సమాచారం. పూర్తి వివరాలు తెలియాల్సి ఉంది.