Hathras: 121 చేరిన హథ్రాస్ తొక్కిసలాటలో మృతుల సంఖ్య.. పరారీలో భోలే బాబా

Hathras: 121 చేరిన హథ్రాస్ తొక్కిసలాటలో మృతుల సంఖ్య.. పరారీలో భోలే బాబా

సత్సంగ్‌కు 80 వేల మందికే అనుమతి..

2.5 లక్షల మంది హాజరయ్యారన్న సీఎస్..

బాబా పాదాలను టచ్ చేసే క్రమంలో తొక్కిసలాట..

సత్సంగ్ నిర్వాహకులపై ఎఫ్ఐఆర్ నమోదు..

ఘటన తర్వాత పరారీలో భోలేబాబా..

సత్సంగ్‌‌కు దాదాపు 2.5 లక్షల మంది హాజరైనట్టు ఉత్తరప్రదేశ్ చీఫ్ సెక్రటరీ మనోజ్‌కుమార్ సింగ్ తెలిపారు. కానీ, నిర్వాహకులు మాత్రం 80 వేల మందికి మాత్రమే అనుమతి తీసుకున్నట్టు చెప్పారు. ముఖ్యమంత్రి యోగి ఆదిత్యనాథ్ నేడు హథ్రాస్‌ను సందర్శించనున్నారు. ఈ ఘటనకు కారకులైన వారిని వదిలిపెట్టేది లేదని సీఎం హెచ్చరించారు. ఈ ఘటనపై విచారణకు ఆదేశించిన ప్రభుత్వం 24 గంటల్లో నివేదిక అందించాలని ఆదేశించింది. సత్సంగ్ నిర్వాహకులపై పోలీసులు ఎఫ్ఐఆర్ నమోదు చేశారు. మరోవైపు, ఘటన తర్వాత స్వయం ప్రకటిత గాడ్‌మన్ భోలేబాబా పరారయ్యాడు. ఆయన కోసం గాలింపు మొదలైంది.