డిగ్రీ అర్హతతో 14,582 కేంద్ర ప్రభుత్వ ఉద్యోగాలు.. నోటిఫికేషన్ పూర్తి సమాచారం
SSC Hindi Translator Jobs
SSC CGL notification 2025
SSC Stenographer Jobs
SSC CGL
SSC Jobs List
SSC CGL Notification
ssc.gov.in login
Govt jobs news
By
Mounikadesk
డిగ్రీ అర్హతతో 14,582 కేంద్ర ప్రభుత్వ ఉద్యోగాలు.. నోటిఫికేషన్ పూర్తి సమాచారం
స్టాప్ సెలక్షన్ కమిషన్ (SSC) కంబైన్డ్ గ్రాడ్యుయేట్ లెవెల్ (CGL) పరీక్ష ప్రకటనను విడుదల చేసింది. దీని ద్వారా కేంద్ర ప్రభుత్వలలోని వివిధ మంత్రిత్వ శాఖలు, విభాగాలు, సంస్థల్లో 14,582 ఖాళీలను భర్తీ చేస్తారు.
వివిధరకాల పోస్టులు
• అసిస్టెంట్ సెక్షన్ ఆఫీసర్
• ఇన్కమ్ ట్యాక్స్ ఇన్స్పెక్టర్
• ఇన్స్పెక్టర్, (సెంట్రల్ ఎక్సైజ్)
• ఇన్స్పెక్టర్ (ప్రివెంటివ్ ఆఫీసర్),
• ఇన్స్పెక్టర్ (ఎగ్జామినర్),
• అసిస్టెంట్ ఎన్ఫోర్స్మెంట్ ఆఫీసర్, సబ్ ఇన్స్పెక్టర్
• ఇన్స్పెక్టర్
• సెక్షన్ హెడ్
• ఎగ్జిక్యూటివ్ అసిస్టెంట్
• రీసెర్చ్ అసిస్టెంట్
• డివిజనల్ అకౌంటెంట్
• సబ్-ఇన్ స్పెక్టర్/జూనియర్ ఇంటెలిజెన్స్ ఆఫీసర్
• జూనియర్ స్టాటిస్టికల్ ఆఫీసర్
• స్టాటిస్టికల్ ఇన్వెస్టిగేటర్ గ్రేడ్-2
• ఆఫీస్ సూపరింటెండెంట్
• ఆడిటర్
• అకౌంటెంట్
• జూనియర్ అకౌంటెంట్
• పోస్టల్ అసిస్టెంట్ /సోర్టింగ్ అసిస్టెంట్
• సీనియర్ సెక్రటేరియట్ అసిస్టెంట్/అప్సర్డి విజన్ క్లర్క్ లు
• సీనియర్ అడ్మినిస్ట్రేటివ్ అసిస్టెంట్
•ట్యాక్స్ అసిస్టెంట్
అర్హతలు
పోస్టులను అనుసరించి గుర్తింపు పొందిన యూనివర్సిటీ నుంచి డిగ్రీ. జూనియర్ స్టాటిస్టికల్ ఆఫీసర్ పోస్టుకు బెన్-2 స్థాయిలో గణితంలో కనీసం 60% మార్కులు లేదా డిగ్రీ స్థాయిలో స్టాటిస్టిక్స్ ఫైనల్ ఇయర్ విద్యార్థులు 01.08.2025 నాటికి అర్హత సాధిస్తే దరఖాస్తు చేయవచ్చు.
వయసు
01.08.2025 తేదీ నాటికి 18 నుంచి 30 ఏళ్లు ఉండాలి.
దరఖాస్తు విధానం
ఆన్లైన్లో https://ssc.gov.in వెబ్సైట్.
దరఖాస్తు ఫీజు
జనరల్/ఓబీసి/ ఈడబ్ల్యూఎస్ కు రూ.1000 ఎస్సీ/ ఎస్టీ/పీడబ్ల్యూబీడి/మహిళలకు/ ఈఎస్ఎంకు ఫీజు లేదు.
ఫీజు చెల్లింపు చివరి: 05.07.2025
అధికారిక వెబ్సైట్: https://ssc.gov.in
ఇలా చేస్తే.. ఉద్యోగం మీ సొంతం!
దేశవ్యాప్తంగా కేంద్రప్రభుత్వ పరిధిలోని మంత్రిత్వ శాఖలు, వివిధ విభాగాల్లో 14,582 పోస్టుల భర్తీకి స్టాఫ్ సెలక్షన్ కమిషన్ నోటిఫికేషన్ విడుదల చేసింది. కంబైన్డ్ గ్రాడ్యుయేట్ లెవల్ ఎగ్జామినేషన్ (CGL)ద్వారా ఈ ఖాళీలను భర్తీ చేయనున్నారు. ఇప్పటికే దరఖాస్తు ప్రక్రియ ప్రారంభంకాగా.. ఆసక్తిగల అభ్యర్థులు జులై 4 వరకు దరఖాస్తు చేసుకోవచ్చు. పరీక్ష ఫీజు జులై 5 వరకు చెల్లించవచ్చు. జులై 9 నుంచి 11వరకు దరఖాస్తులో తప్పుల సవరణకు అవకాశం ఉంది. ఆగస్టు 13 నుంచి ఆగస్టు 30 వరకు టైర్ 1 పరీక్ష( కంప్యూటర్ బేస్డ్ టెస్ట్), టైర్ 2 పరీక్ష డిసెంబర్లో నిర్వహిస్తారు. ఈ ఉద్యోగాలకు బ్యాచిలర్ డిగ్రీ ఉత్తీర్ణత సాధించినవారు పోటీ పడవచ్చు. జూనియర్ స్టాటిస్టికల్ ఆఫీసర్ పోస్టులకు స్టాటిస్టిక్ ఒక సబ్జెక్టు డిగ్రీలో చదివి ఉండాలి. రెండు దశల్లో నిర్వహించే రాత పరీక్షలో విజయం సాధించడం ద్వారా కేంద్ర ప్రభుత్వ ఉద్యోగం సాధించవచ్చు. అన్ని పోస్టులకు గరిష్ఠ వయోపరిమితి 30ఏళ్లు, జూనియర్ స్టాటిస్టికల్ ఆఫీసర్ పోస్టులకు 32ఏళ్లు, గ్రూప్-C పోస్టులకు 27ఏళ్లు. రిజర్వేషన్ గల అభ్యర్థులకు వయోపరిమితిలో సడలింపు కలదు. SSC కంబైన్డ్ గ్రాడ్యుయేట్ లెవల్ ఎగ్జామినేషన్ 2025 పరీక్ష విధానం, సిలబస్, ఎలా ప్రిపరేషన్ కావాలో తెలుసుకుందాం..
పరీక్ష విధానం:
SSC CGL ఎంపిక ప్రక్రియలో భాగంగా రెండు దశల్లో రాత పరీక్ష నిర్వహిస్తారు.
టైర్-1: ఇందులో 100 ప్రశ్నలకు 200 మార్కులు కేటాయించారు. జనరల్ ఇంటెలిజెన్స్ & రీజనింగ్(25 ప్రశ్నలు), జనరల్ అవేర్నెస్ (25 ప్రశ్నలు), క్వాంటిటేటివ్ ఆప్టిట్యూడ్ (25 ప్రశ్నలు), ఇంగ్లిష్ కాంప్రహెన్షన్(25ప్రశ్నలు) నుంచి ప్రశ్నలు అడుగుతారు. ఒక్కో ప్రశ్నకు 2 మార్కులు. పరీక్ష సమయం 60 నిమిషాలు. ప్రతి తప్పు సమాధానానికి అర మార్కు కోత విధిస్తారు.
టైర్-2: టైర్1లో ఉత్తీర్ణత సాధించి మెరిట్ జాబితాలో నిలిచిన వారికి తదుపరి దశలో టైర్-2 పరీక్ష నిర్వహిస్తారు. టైర్-2 మొత్తం 2 పేపర్లలో జరుగుతుంది. అన్ని పోస్టులకు అభ్యర్థులు పేపర్-1 పరీక్షకు తప్పనిసరిగా హాజరుకావాలి. పేపర్-2 జూనియర్ స్టాటిస్టికల్ ఆఫీసర్ పోస్టుల అభ్యర్థులకు మాత్రమే ఉంటుంది.
టైర్ 2 పేపర్-1 సెక్షన్-1లో మ్యాథమెటికల్ ఎబిలిటీస్ 30, రీజనింగ్ & జనరల్ ఇంటెలిజెన్స్ నుంచి 60 ప్రశ్నలు ఇస్తారు. ప్రశ్నకు 3 మార్కుల చొప్పున 180 మార్కులకు ఈ సెక్షన్ ఉంటుంది. సెక్షన్-2లో ఇంగ్లిష్ లాంగ్వేజ్ కాంప్రహెన్షన్ నుంచి 45, జనరల్ అవేర్నెస్ నుంచి 25 ప్రశ్నలు వస్తాయి. ప్రతి ప్రశ్నకు 3 మార్కుల చొప్పున 70 ప్రశ్నలకు 210 మార్కులు. పరీక్షా సమయం గంట. సెక్షన్-3 మాడ్యుల్-1లో కంప్యూటర్ నాలెడ్జ్ నుంచి 20 ప్రశ్నలు వస్తాయి. వీటికి 60 మార్కులు. పరీక్షా వ్యవధి 15 నిమిషాలు. సెక్షన్-3లో కంప్యూటర్ నాలెడ్జ్ టెస్ట్ నిర్వహిస్తారు. 20 ప్రశ్నలు ఇస్తారు. ప్రతి ప్రశ్నకు మూడు మార్కులు. మొత్తం 60 మార్కులకు ఉంటుంది. సెషన్ 2లో డేటా ఎంట్రీ స్పీడ్ టెస్ట్ 15 నిమిషాల వ్యవధితో నిర్వహిస్తారు. ఇచ్చిన సమాచారాన్ని 15 నిమిషాల్లో టైప్ చేయాల్సి ఉంటుంది. ఇందులో అర్హత సాధిస్తే చాలు. పేపర్-2లో స్టాటిస్టిక్స్ 100 ప్రశ్నలు 200 మార్కులు కేటాయించారు. పరీక్ష వ్యవధి 2 గంటలు. ప్రతి తప్పు సమాధానానికి అరమార్కు తగ్గిస్తారు. పేపర్-3లో జనరల్ స్టడీస్(ఫైనాన్స్ అండ్ ఎకనామిక్స్) 100 ప్రశ్నలు 200 మార్కులకు ఉంటుంది. పేపర్ 1లో ప్రతి తప్పు సమాధానానికి 1మార్కు, సెక్షన్ 2, సెక్షన్ 3లో ప్రతి తప్పు సమాధానానికి అర మార్కు కోత విధిస్తారు.
ఏం చదవాలి?
రెండు దశలుగా జరిగే పరీక్షలో పలు సెషన్స్, మాడ్యూల్స్లో ఆయా సబ్జెక్టులలో జరిగే పరీక్షల్లో విజయానికి అభ్యర్థులు సబ్జెక్ట్ వారీగా ప్రిపరేషన్ కావాలి.
జనరల్ ఇంటెలిజెన్స్ & రీజనింగ్: ఇందులో వెర్బల్, నాన్ వెర్బల్ రకం ప్రశ్నలుంటాయి. కోడింగ్, డీ కోడింగ్, అనలిటికల్ పజిల్స్, క్రిటికల్ రీజనింగ్ ప్రాక్టీస్ చేయాలి. ఇంగ్లిష్ అక్షర క్రమాన్ని ముందు నుంచి వెనకకు, వెనక నుంచి ముందుకు ప్రాక్టీస్ చేయాలి. ఏ అక్షరం ఏ స్థానంలో ఉందో సులువుగా గుర్తించాలి. అనలిటికల్ రీజనింగ్, సిలాజిజమ్, సీక్వెన్స్, పజిల్స్, క్లాక్, క్యాలెండర్, రక్త సంబంధాలు, దిక్కుల గురించి అవగాహన పొందాలి. అంకగణిత శ్రేణి, సంఖ్యా శ్రేణి, వెన్ డయాగ్రామ్లు, డ్రాయింగ్ అనుమితులు, ప్రాబ్లమ్ సాల్వింగ్, అనలైసిస్ నుంచి ప్రశ్నలు వస్తాయి.
జనరల్ అవేర్నెస్: జనరల్ స్టడీస్లో రాణించేందుకు చరిత్ర, జాగ్రఫీ, ఎకానమీ, సైన్స్ అండ్ టెక్నాలజీ, కరెంట్ అఫైర్స్ అంశాలపై పట్టు సాధించాలి. స్టాక్ జీకేపైనా అవగాహన పెంచుకోవాలి. పర్యావరణం, సమాజానికి దాని అన్వయం గురించి అవగాహనను పరీక్షిస్తారు.
క్వాంటిటేవ్ ఆప్టిట్యూడ్: టెన్త్ మ్యాథ్స్ ని ప్రాథమిక అంశాలపై పట్టు సాధించాలి. అర్థమెటిక్కు సంబంధించి పర్సంటేజ్, యావరేజెస్, రేషియో ప్రపోర్షన్, ప్రాఫిట్-లాస్, సింపుల్-కాంపౌండ్ ఇంట్రెస్ట్,, టైమ్ డిస్టెన్స్, పర్ముటేషన్స్-కాంబినేషన్స్, ప్రాబబిలిటీ, పార్టనర్షిప్పై దృష్టి పెట్టాలి. సమయం, దూరం, పని, బీజ గణితం ప్రాక్టీస్ చేయాలి. సంఖ్యల వర్గాలు, ఘనాలు గుర్తుంచుకోవాలి.
ఇంగ్లిష్ కాంప్రహెన్షన్: బేసిక్ గ్రామర్పై అవగాహన పెంచుకోవాలి. ఫిల్ ఇన్ ది బ్లాంక్స్, రీడింగ్ కాంప్రహెన్షన్, యాంటానిమ్స్, సినానిమ్స్, స్పాటింగ్ ద ఎర్రర్స్, స్పెల్లింగ్స్, కరెక్షన్ ఆఫ్ సెంటెన్సెస్, టెన్సెస్, ప్రిపోజిషన్స్, యాక్టివ్ అండ్ ప్యాసివ్ వాయిస్, వొకాబులరీ, రీ రైటింగ్ ద సెంటెన్స్, సెంటెన్స్ రీ అరేంజ్మెంట్, ఆల్ఫాబెటికల్ ఆర్డర్, ప్రెసిస్ రైటింగ్ నేర్చుకోవాలి. టైర్ 2లో మ్యాథమెటిక్స్లో నంబర్ సిస్టిమ్స్, ఫండమెంటల్ అర్థమెటికల్ ఆపరేషన్స్, ఆల్జీబ్రా, జామెట్రీ, త్రికోణమితి, స్టాటిస్టిక్స్ ప్రాక్టీస్ చేయాలి. పార్ట్ బీలో రీజనింగ్ & జనరల్ ఇంటెలిజెన్స్, పార్ట్ ఏ సెక్షన్ 2లో ఇంగ్లిష్ లాంగ్వేజ్ అండ్ కాంప్రహెన్షన్లో పట్టు సాధించాలి.
కంప్యూటర్ నాలెడ్జ్: కంప్యూటర్ బేసిక్స్, CPU, ఆపరేటింగ్ సిస్టమ్, నెట్వర్కింగ్ అండ్ సైబర్ సెక్యూరిటీ, ఇంటర్నెట్, సాఫ్ట్వేర్ కాన్సెప్ట్, డీబీఎంస్, ఎంఎస్ ఆఫీస్, ఎంఎస్ వర్డ్, ఎంఎస్ ఎక్సెల్, పవర్ పాయింట్, ఈ మెయిల్, ఈ బ్యాకింగ్ వంటి వాటి గురించి అవగాహన పెంచుకోవాలి.పేపర్ 2, పేపర్ 3లో రాణించేందుకు అభ్యర్థులు డిగ్రీ స్థాయిలో అకడమిక్ పుస్తకాలను అధ్యయనం చేయాలి. అదేవిధంగా గత ప్రశ్నపత్రాలు, మోడల్ పేపర్లను సాధన చేయండి.
Comments