భారత విద్యా రంగంలో కొత్త రికార్డు: ఉపాధ్యాయుల సంఖ్య మొదటిసారిగా-1 కోటికి దాటింది - UDISE+ 2024-25 నివేదిక వెల్లడి……

భారత విద్యా రంగంలో కొత్త రికార్డు: ఉపాధ్యాయుల సంఖ్య మొదటిసారిగా-1 కోటికి దాటింది - UDISE+ 2024-25 నివేదిక వెల్లడి……

భారతదేశంలో విద్యా రంగం పురోగతిని వివరిస్తూ కేంద్ర విద్యా మంత్రిత్వ శాఖ విడుదల చేసిన యూనిఫైడ్ డిస్ట్రిక్ట్ ఇన్ఫర్మేషన్ సిస్టమ్ ఫర్ ఎడ్యుకేషన్ ప్లస్ (UDISE+) 2024-25 నివేదికలో దేశంలో ఉపాధ్యాయుల సంఖ్య మొదటిసారిగా కోటి మార్కును దాటిందని నివేదికలో వెల్లడైంది.

ఉపాధ్యాయుల సంఖ్యలో పెరుగుదల:

ఈ నివేదిక ప్రకారం దేశంలో ఉపాధ్యాయుల సంఖ్య మొట్టమొదటిసారిగా ఒక కోటి మార్కును దాటింది.

2023-24లో 98,07,600గా ఉన్న ఈ సంఖ్య, 2024-25లో 1,01,22,420కి పెరిగింది. ఇది గత రెండేళ్లలో 6.7% పెరుగుదల.

దేశంలోని ప్రతి పాఠశాలలో సగటున ఏడుగురు ఉపాధ్యాయులు పనిచేస్తున్నారు.

మొత్తం ఉపాధ్యాయులలో 54.2% మంది మహిళా ఉపాధ్యాయులు ఉండటం గమనార్హం.

రాష్ట్రాల వారీగా ర్యాంకింగ్లు:

ఉత్తరప్రదేశ్ అత్యధిక ఉపాధ్యాయులను కలిగి ఉన్న రాష్ట్రంగా మొదటి స్థానంలో ఉంది.

తరువాతి స్థానాల్లో రాజస్థాన్, మహారాష్ట్ర ఉన్నాయి.

తెలంగాణ 10వ స్థానంలో, ఆంధ్రప్రదేశ్ 12వ స్థానంలో ఉన్నాయి.

పాఠశాలలు మరియు మౌలిక సదుపాయాలు:

దేశంలో ప్రభుత్వ పాఠశాలల సంఖ్య తగ్గగా ప్రైవేట్ పాఠశాలల సంఖ్య పెరిగింది.

విద్యుత్ సౌకర్యం: దేశంలో 93.6% పాఠశాలల్లో విద్యుత్ సౌకర్యం అందుబాటులో ఉంది.

తాగునీరు: 99.3% పాఠశాలల్లో సురక్షితమైన తాగునీరు అందుబాటులో ఉంది.

మరుగుదొడ్లు: 97.3% పాఠశాలల్లో బాలికల మరుగుదొడ్లు, 96.2% పాఠశాలల్లో బాలుర మరుగుదొడ్లు ఉన్నాయి.

డిజిటల్ మౌలిక సదుపాయాలు:

64.7% పాఠశాలల్లో కంప్యూటర్లు ఉన్నాయి.

63.5% పాఠశాలల్లో ఇంటర్నెట్ కనెక్టివిటీ ఉంది, ఇది గత సంవత్సరం కంటే గణనీయమైన పెరుగుదల.

విద్యార్థులు మరియు ఉపాధ్యాయుల నిష్పత్తి:

విద్యార్థి-ఉపాధ్యాయ నిష్పత్తి (PTR): ఈ నిష్పత్తి ప్రతి 24 మంది విద్యార్థులకు ఒక ఉపాధ్యాయుడు చొప్పున ఉంది, ఇది అన్ని స్థాయిల్లోనూ మెరుగుపడింది.

ఒకే ఉపాధ్యాయుడు ఉన్న పాఠశాలలు: ఈ పాఠశాలల సంఖ్య 1,10,971 నుంచి 1,04,125కు తగ్గింది.

డ్రాపౌట్ రేటు: వివిధ స్థాయిలలో డ్రాపౌట్ రేటు గణనీయంగా తగ్గింది.

ప్రిపరేటరీ: 2.3%

మిడిల్: 3.5%

సెకండరీ: 8.2%

ఈ నిష్పత్తులు జాతీయ విద్యా విధానం (NEP) 2020 సిఫార్సు చేసిన 1:30 నిష్పత్తి కంటే మెరుగ్గా ఉన్నాయి.

విద్యార్థులు లేని పాఠశాలలు: గతంలో 12,954గా ఉన్న విద్యార్థులు లేని పాఠశాలల సంఖ్య 7,993కు తగ్గింది. అయినప్పటికీ ఈ పాఠశాలల్లో 20,817 మంది ఉపాధ్యాయులు పనిచేస్తున్నారు.

ఇతర అంశాలు:

వికలాంగ విద్యార్థుల కోసం 54.9% పాఠశాలల్లో ర్యాంపులు మరియు హ్యాండ్స్ల్స్ అందుబాటులో ఉన్నాయి.

వసతి గృహాలు ఉన్న పాఠశాలల సంఖ్య 43,389 నుండి 46,517కు పెరిగింది.

షెడ్యూల్డ్ కులాలు (SC), షెడ్యూల్డ్ తెగలు (ST) మరియు ఇతర వెనుకబడిన తరగతులు (OBC) విద్యార్థుల నమోదులో తగ్గుదల కనిపించింది