GST అప్పీలేట్ ట్రిబ్యునల్ (GSTAT) పూర్తిస్థాయి కార్యకలాపాలకు సిద్ధం

GST అప్పీలేట్ ట్రిబ్యునల్ (GSTAT)
పూర్తిస్థాయి కార్యకలాపాలకు సిద్ధం

గూడ్స్ అండ్ సర్వీసెస్ టాక్స్ అప్పీలేట్ ట్రిబ్యునల్ (GSTAT) పూర్తిస్థాయి కార్యకలాపాలు త్వరలో పూర్తిస్థాయిలో పనిచేయనుంది. భారతదేశంలో వస్తువులు మరియు సేవల పన్ను (GST) కి సంబంధించిన వివాదాలను పరిష్కరించడానికి ఉద్దేశించిన కీలకమైన సంస్థే GST అప్పీలేట్ ట్రిబ్యునల్ (GSTAT). ట్యాక్స్ చెల్లింపుదారులు, ట్యాక్స్ అధికారులు మధ్య ఉన్న అప్పీళ్లను, వివాదాలను త్వరగా పరిష్కరించడమే దీని ప్రధాన లక్ష్యం.

GSTAT నిర్మాణం మరియు నియామకాలు

చైర్మన్ నియామకం: 2024 మే నెలలో ప్రభుత్వం జస్టిస్ (రిటైర్డ్) సంజయ్ కుమార్ మిశ్రా ను GSTAT చైర్మన్గా నియమించింది.

సభ్యుల నియామకాలు:

జ్యుడీషియల్ సభ్యులు: అలహాబాద్ హైకోర్టు న్యాయమూర్తి జస్టిస్ మయాంక్ కుమార్ జైన్ నియమితులయ్యారు.

టెక్నికల్ సభ్యులు: GST ప్రధాన బెంచ్కు అడిషనల్ సెక్రటరీ అనిల్ కుమార్ గుప్తా నియమితులయ్యారు.

రాష్ట్ర ప్యానెల్స్: ట్రిబ్యునల్ పూర్తిస్థాయిలో పనిచేయడానికి రాష్ట్రాలు కూడా తమ ప్యానెల్స్కు

సభ్యులను నియమించాల్సి ఉంటుంది. ఇప్పటికే 31 రాష్ట్రాలు ఈ నియామకాలకు ప్రభుత్వానికి నోటిఫికేషన్లు పంపాయి. కేంద్ర ప్రభుత్వం 31 మంది టెక్నికల్ సభ్యులను మరియు 52 మంది జ్యుడీషియల్ సభ్యులను రాష్ట్ర ప్యానెల్స్కు నియమించింది. అయితే గుజరాత్, బీహార్, మహారాష్ట్ర, మరియు గోవా వంటి కొన్ని రాష్ట్రాలు ఇంకా తమ సిఫార్సులను పంపలేదు.

ప్రిన్సిపల్ బెంచ్: ఇది ఢిల్లీలో ఉంటుంది. సాధారణంగా ఇది 'ప్లేస్ ఆఫ్ సప్లై' కి సంబంధించిన ముఖ్యమైన కేసులను విచారిస్తుంది.

స్టేట్ బెంచ్లు: దేశవ్యాప్తంగా 31 రాష్ట్రాలు, కేంద్ర పాలిత ప్రాంతాలలో ఈ బెంచ్లను ఏర్పాటు చేయడానికి ప్రభుత్వం ఆమోదం తెలిపింది. ఇవి ఆయా రాష్ట్రాల పరిధిలోని అప్పీళ్లను విచారిస్తాయి.

GSTAT యొక్క లక్ష్యాలు మరియు ప్రయోజనాలు

త్వరిత పరిష్కారం: GSTAT పూర్తిస్థాయిలో పనిచేయడం మొదలుపెడితే వేలాది GST సంబంధిత కేసులు త్వరితగతిన పరిష్కారమవుతాయి.

పెండింగ్ కేసుల పరిష్కారం: ప్రస్తుతం GSTATలో సభ్యులు లేకపోవడంతో GST వివాదాలు పరిష్కారం కోసం హైకోర్టులు మరియు సుప్రీంకోర్టులకు వెళ్తున్నాయి. ఇది సమయాన్ని మరియు ఖర్చును పెంచుతుంది. GSTAT ప్రారంభమైతే ఈ సమస్య తగ్గుతుంది.

పన్ను చెల్లింపుదారులకు ఉపశమనం: వివాదాల పరిష్కార ప్రక్రియ వేగవంతం కావడం వల్ల పన్ను చెల్లింపుదారులకు మరియు ప్రభుత్వానికి ఉపశమనం లభిస్తుంది.

ఏకరూపత (UNIFORMITY): దేశవ్యాప్తంగా GST చట్టాల అమలులో ఏకరూపతను తీసుకురావడం GSTAT యొక్క ప్రధాన లక్ష్యం.

GSTAT అధికారాలు మరియు విధులు

అప్పీళ్ల విచారణ: పన్ను చెల్లింపుదారులు మొదట అప్పీలు చేసుకున్న అధికారి (FIRST APPELLATE AUTHORITY) ఇచ్చిన ఉత్తర్వులకు వ్యతిరేకంగా అప్పీళ్లను విచారించడం GSTAT ప్రధాన విధి

వివాదాల పరిష్కారం: పెనాల్టీలు, వడ్డీ, రిఫండ్స్, ట్యాక్స్ అసెస్మెంట్లకు సంబంధించిన వివాదాలను పరిష్కరిస్తుంది.

సివిల్ కోర్టు అధికారాలు: సాక్షులను పిలిపించడం, రికార్డులు కోరడం, సాక్ష్యాలను పరిశీలించడం వంటి విషయాలలో సివిల్ కోర్టుకు ఉన్న అధికారాలు GSTATకి ఉంటాయి.

సభ్యుల నియామకంపై మరిన్ని వివరాలు:

ట్రిబ్యునల్ యొక్క ప్రెసిడెంట్గా హైకోర్టు మాజీ న్యాయమూర్తిని నియమిస్తారు. సభ్యులుగా న్యాయపరమైన (JUDICIAL) మరియు సాంకేతిక (TECHNICAL) అంశాలలో నిపుణులు ఉంటారు.

న్యాయ సభ్యులు హైకోర్టు జడ్జిగా లేదా కనీసం పది సంవత్సరాల న్యాయవాదిగా పనిచేసిన అనుభవం ఉండాలి. సాంకేతిక సభ్యులు GST, పన్నులు లేదా ఆర్థిక రంగంలో విస్తృతమైన అనుభవం ఉన్న అధికారులు అయి ఉండాలి.