హాకీ గోల్ కీపర్‌కు అత్యున్నత పురస్కారం

వాషింగ్టన్ – ఫిబ్రవరి 25 – పీపుల్స్ మోటివేషన్ 

అమెరికా అధ్యక్షుడు డోనాల్డ్ ట్రంప్ దేశ అత్యున్నత పౌర పురస్కారాన్ని హాకీ క్రీడాకారుడికి ప్రదానం చేయనున్నట్లు ప్రకటించారు. మిలాన్ కోర్టినా నగరాల్లో జరిగిన శీతకాల ఒలింపిక్స్ పోటీల పురుషుల హాకీ విభాగంలో అమెరికాకు స్వర్ణ పతకం అందించిన గోల్ కీపర్ కొన్నార్ హెల్లిబక్ కు అధ్యక్ష స్వేచ్ఛా పతకాన్ని అందజేయనున్నట్లు ఆయన ఉభయ సభలను ఉద్దేశించి చేసిన ప్రసంగంలో వెల్లడించారు. ఈ ప్రకటనతో క్రీడా ప్రపంచంలో ఆనంద వాతావరణం నెలకొంది.

మిలాన్ కోర్టినా శీతకాల ఒలింపిక్స్ లో జరిగిన తుది పోరులో అమెరికా జట్టు చిరకాల ప్రత్యర్థి కెనడా జాతీయ ఐస్ హాకీ జట్టు ను ఎదుర్కొంది. ఉత్కంఠభరితంగా సాగిన ఈ పోరులో గోల్ కీపర్‌గా కొన్నార్ హెల్లిబక్ అసాధారణ ప్రతిభ కనబరిచాడు. ప్రత్యర్థి జట్టు చేసిన నలభై ఒక గోల్ ప్రయత్నాలను అడ్డుకొని తన జట్టును రక్షించాడు. మ్యాచ్ సమంగా నిలిచిన కీలక దశలో ఆయన చేసిన అద్భుత రక్షణలు విజయంలో ప్రధాన పాత్ర పోషించాయి.

మ్యాచ్ చివరి నిమిషాల్లో అమెరికా ఆటగాడు జాక్ హ్యూజ్స్ చేసిన గోల్‌తో అమెరికా ఆధిక్యంలోకి దూసుకెళ్లింది. రెండోార్థంలో హెల్లిబక్ తన స్టిక్‌తో అడ్డుకున్న గోల్ ప్రయత్నం పోరుకు మలుపు తిప్పిన ఘట్టంగా నిలిచింది. ఆ గోల్ నమోదై ఉంటే ఫలితం మారిపోయేదని విశ్లేషకులు అభిప్రాయపడుతున్నారు. ఎన్నో సంవత్సరాల తర్వాత ఐస్ హాకీ విభాగంలో అమెరికా స్వర్ణ పతకాన్ని సాధించడంతో దేశవ్యాప్తంగా సంబరాలు కొనసాగుతున్నాయి.

అధ్యక్షుడు ట్రంప్ తన ప్రసంగంలో క్రీడాకారుల త్యాగం, కృషి దేశ గౌరవాన్ని మరింత పెంచుతుందని పేర్కొన్నారు. క్రీడల ద్వారా జాతీయ ఐక్యత బలపడుతుందని, అంతర్జాతీయ వేదికపై దేశ ప్రతిష్ఠ పెరుగుతుందని అన్నారు. హెల్లిబక్ సాధించిన ఈ ఘనతకు గాను దేశ అత్యున్నత గౌరవం అందజేయడం గర్వకారణమని పేర్కొన్నారు.

ప్రస్తుతం అమెరికా జట్టుపై ప్రశంసలు వెల్లువెత్తుతున్నాయి. క్రీడాభిమానులు, మాజీ ఆటగాళ్లు, విశ్లేషకులు అందరూ హెల్లిబక్ ప్రతిభను కొనియాడుతున్నారు. ఈ విజయం యువ క్రీడాకారులకు ప్రేరణగా నిలుస్తుందని భావిస్తున్నారు. అధ్యక్ష స్వేచ్ఛా పతకం ప్రదానం కార్యక్రమం త్వరలో వైభవంగా నిర్వహించనున్నట్లు సమాచారం.