ఉపాధి హామీ చట్ట పరిరక్షణ యాత్ర నెల్లూరులో కొనసాగింపు

- అక్కంపేట గ్రామంలో బహిరంగ సభ

- మన్రేగా కొనసాగించాలని లబ్ధిదారుల డిమాండ్

- కొత్త చట్టంపై గ్రామస్థుల విమర్శలు

నెల్లూరు, ఫిబ్రవరి 12 (పీపుల్స్ మోటివేషన్): మహాత్మాగాంధీ జాతీయ గ్రామీణ ఉపాధి హామీ చట్ట పరిరక్షణ యాత్ర నేడు పొట్టి శ్రీరాములు నెల్లూరు జిల్లాలో కొనసాగింది. సర్వేపల్లి నియోజకవర్గంలోని అక్కంపేట గ్రామంలో నిర్వహించిన బహిరంగ సభకు ఉపాధి హామీ పథకం లబ్ధిదారులు భారీ ఎత్తున హాజరయ్యారు. ఈ సందర్భంగా గ్రామస్థులు మాట్లాడుతూ ఉపాధి హామీ పథకం కొనసాగాలని కోరారు. పేద ప్రజలకు ఉపాధి భరోసా కల్పిస్తున్న ఈ పథకాన్ని బలహీనపరచే ప్రయత్నాలు చేయరాదని పేర్కొన్నారు. కొత్తగా తీసుకువచ్చిన వి బి జి – రామ్ జి చట్టం పేదల జీవనోపాధిపై ప్రభావం చూపుతుందని విమర్శించారు.

మన్రేగా పునరుద్ధరణ కోసం కాంగ్రెస్ చేపట్టిన పోరాటానికి తాము మద్దతు తెలుపుతున్నామని గ్రామస్థులు ముక్తకంఠంతో ప్రకటించారు. పేద ప్రజల హక్కులను కాపాడేందుకు పోరాటం కొనసాగుతుందని సభలో పాల్గొన్న నాయకులు తెలిపారు.