AP DGP: ఏపీ కొత్త డీజీపీగా ద్వారకా తిరుమలరావు..సీనియారిటీలో అగ్రస్థానం
DGP: ఏపీ కొత్త డీజీపీగా ద్వారకా తిరుమలరావు..సీనియారిటీలో అగ్రస్థానం
ఈ మేరకు ఉత్తర్వులు జారీ చేసిన సీఎస్ నీరభ్‌ కుమార్ ప్రసాద్..
అంత‌కుముందు డీజీపీగా ఉన్న కేవీ రాజేంద్రనాథ్ రెడ్డిపై ఈసీ బదిలీ వేటు..
అనూహ్యంగా హరీష్ కుమార్ గుప్తాకు ఏపీ పోలీస్ బాస్‌గా అవకాశం..
ఇప్పుడు కొత్త ప్రభుత్వం హరీష్ కుమార్ స్థానంలో తిరుమ‌ల‌రావును నియ‌మించిన వైనం..
1989 బ్యాచ్ ఏపీ కేడర్ ఐపీఎస్ అధికారి తిరుమలరావు..
ప్రస్తుతం ఏపీఎస్ ఆర్టీసీ ఎండీగా విధులు నిర్వహిస్తున్న తిరుమలరావు..
నెలన్నర పాటు డీజీపీగా కొనసాగిన హరీష్ గుప్తా
వైకాపాతో అంటకాగుతున్నారన్న ఫిర్యాదులపై సార్వత్రిక ఎన్నికల సమయంలో కేవీ రాజేంద్రనాథరెడ్డిపై బదిలీ వేటు వేసిన ఎన్నికల సంఘం... హరీష్కుమార్ గుప్తాను డీజీపీ నియమించింది. మే 6న డీజీపీగా బాధ్యతలు చేపట్టిన హరీష్కుమార్ గుప్తా దాదాపు నెలన్నర పాటు ఆ పోస్టులో కొనసాగారు. ఇటీవల చంద్రబాబు ప్రమాణస్వీకారం సందర్భంగా ట్రాఫిక్ను సరిగ్గా నియంత్రించకపోవడంతో అస్తవ్యస్తంగా తయారైంది. దీంతో గవర్నర్ జస్టిస్ అబ్దుల్ నజీర్ వాహనం ట్రాఫిక్ లో చిక్కుకుపోయింది. ఆయన ప్రధానమంత్రికి స్వాగతం పలికేందుకు గన్నవరం విమానాశ్రయానికి వెళ్లలేకపోయారు. ఈ వ్యవహారంలో డీజీపీ తీరుపై గవర్నర్ కొంత అసహనం వ్యక్తం చేసినట్లు సమాచారం. వీటితోపాటు సీనియారిటీని దృష్టిలో పెట్టుకునిద్వారకా తిరుమలరావుకు డీజీపీగా అవకాశం కల్పించినట్లు సమాచారం.