White Hair: తెల్ల జుట్టు రావడానికి కారణాలు ఇవేనా..!

సహజసిద్ధంగా శరీరంలో పోషకాలు లేకపోవడం వల్ల జుట్టు తెల్లబడుతుందని అంటున్నారు. ఆహారంలో పోషకాలు లేకుంటే జుట్టు తెల్లబడుతుంది.. అంతేకాదు ఒత్తిడి కారణంగా కొన్ని సందర్భాల్లో జుట్టు తెల్లగా మారుతుంది. ఒత్తిడి వల్ల శరీరంలోని మైటోకాండ్రియాలో మార్పులు వస్తాయి. ఇది జుట్టు ప్రొటీన్ని తగ్గిస్తుంది. జుట్టు నెరసిపోవడానికి ఇదే కారణమని నిపుణులు చెబుతున్నారు. అంతేకాదు సూర్యరశ్మికి ఎక్కువగా గురికావడం వల్ల చాలా మంది జుట్టు తెల్లగా మారుతుంది.

ఎండలో ఎక్కువ సేపు ఉండేవారిలో మెలనిన్ ఉత్పత్తి తగ్గుతుంది. ఇది తెల్ల జుట్టు సమస్యలను కూడా కలిగిస్తుంది. సూర్యరశ్మికి ఎక్కువగా గురికావడం వల్ల జుట్టు తీవ్రమైన ఎండకు గురికావడం వల్ల మన జుట్టులో ఉండే ప్రొటీన్లు నాశనమై జుట్టు నిర్జీవంగా మారుతుంది. అయితే నెరిసిన జుట్టు తిరిగి నల్లగా మారాలంటే ఏం చేయాలి? తెల్లజుట్టు సమస్య రాకుండా ఉండాలంటే ఎలాంటి జాగ్రత్తలు తీసుకోవాలి, తెల్లజుట్టు సమస్య రాకుండా ఉండాలనుకునే వారు విటమిన్ సి అధికంగా ఉండే ఆహారాన్ని తీసుకోవాలి. ఉసిరికాయలో విటమిన్ సి పుష్కలంగా ఉంటుంది, ఇది జుట్టుకు చాలా మంచిది. కాబట్టి ఖాళీ కడుపుతో ఉసిరి రసం తాగడం వల్ల తెల్ల జుట్టు సమస్య  కూడా తగ్గుతుంది. తెల్లజుట్టు సమస్యతో బాధపడేవారు ఉల్లిపాయల రసాన్ని వారానికి రెండు సార్లు జుట్టుకు పట్టిస్తే తెల్లజుట్టు సమస్య తగ్గుతుంది. ఉల్లిపాయ రసంలో ఉండే సల్ఫర్, యాంటీ ఆక్సిడెంట్లు మరియు యాంటీ బ్యాక్టీరియల్ లక్షణాలు తెల్లజుట్టు సమస్యను తగ్గిస్తాయి. పెరుగులో కరివేపాకు కలిపి తలకు పట్టించి 30 నిమిషాల తర్వాత కడిగేస్తే జుట్టు నెరవడం కూడా తగ్గుతుంది.