PM Vidyalaxmi Scheme: పీఎం విద్యాలక్ష్మి స్కీమ్ ద్వారా రూ.10 లక్షల వరకు ఎడ్యుకేషన్ లోన్.. దరఖాస్తు చేసుకోండిలా!

PM Vidyalaxmi Scheme: పీఎం విద్యాలక్ష్మి స్కీమ్ ద్వారా రూ.10 లక్షల వరకు ఎడ్యుకేషన్ లోన్.. దరఖాస్తు చేసుకోండిలా!

• పేద విద్యార్థుల ఉన్నత విద్య కోసం కేంద్ర కేబినెట్ కీలక నిర్ణయం..

• పేద విద్యార్థులు ఉన్నత విద్య కోసం సులభంగా రుణాలు పొందేందుకు విద్యాలక్ష్మీ పథకం..

• విద్యారుణం కోసం బ్యాంకుల చుట్టూ తిరగాల్సిన పనిలేదు..

• పీఎం విద్యాలక్ష్మి స్కీమ్ ద్వారా అప్లై చేసుకోండిలా..

PM Vidyalaxmi Scheme: పేద విద్యార్థుల ఉన్నత విద్య కోసం మోడీ కేబినెట్ కీలక నిర్ణయం తీసుకుంది. పీఎం- విద్యాలక్ష్మీ పథకంతో పాటు పలు అంశాలకు ఆమోదం తెలిపింది. పేద విద్యార్థులు ఉన్నత విద్య కోసం సులభంగా రుణాలు పొందేందుకు విద్యాలక్ష్మీ పథకానికి కేబినేట్ ఆమోదముద్ర వేసింది. డబ్బు లేని కారణంగా ప్రతిభావంతులైన విద్యార్థులు చదువుకు దూరం కావద్దనే పీఎం- విద్యాలక్ష్మీ పథకం ఉద్దేశం. ప్రతిభ కలిగిన పేద విద్యార్థులకు పీఎం-విద్యాలక్ష్మీ ద్వారా ఆర్థికంగా లబ్ధి చేకూరనుంది. ఇక సులభంగా రుణాలు పొందుకోవచ్చు. బుధవారం ప్రధానమంత్రి నరేంద్రమోడీ అధ్యక్షతన జరిగిన సమావేశంలో కేంద్ర కేబినెట్ ఈ నిర్ణయం తీసుకుంది. కేబినెట్ నిర్ణయాలను కేంద్రమంత్రి అశ్వినీ వైష్ణవ్ వెల్లడించారు.

ప్రముఖ విద్యా నాణ్యత కలిగిన 860 ఉన్నత విద్యాసంస్థల్లో అడ్మిషన్లు పొందిన విద్యార్థులకు ప్రభుత్వం రుణ సౌకర్యం కల్పించనుంది. రూ. ఏడున్నర లక్షల వరకు రుణ సౌకర్యం అందించనుంది. ఈ పథకం ద్వారా 75 శాతం క్రెడిట్ గ్యారెంటీని కేంద్ర ప్రభుత్వం ఇవ్వనుంది. పీఎం-విద్యాలక్ష్మీ ద్వారా ఏటా 22 లక్షల మంది విద్యార్థులకు లబ్ధి పొందనున్నారనీ అశ్వినీ వైష్ణవ్ వెల్లడించారు.

పీఎం విద్యాలక్ష్మి స్కీమ్ బెనిఫిట్స్

• ఈ విద్యాలక్ష్మి పథకం కింద 'ఎలాంటి తాకట్టు, హామీ లేకుండా' విద్యారుణాలు అందిస్తారు.

• ఏటా గరిష్ఠంగా ఒక లక్ష మంది విద్యార్థులకు ఈ పథకం కింద విద్యా రుణాలు అందేలా చూస్తారు.

• కుటుంబ వార్షిక ఆదాయం రూ.8 లక్షల లోపు ఉన్న విద్యార్థులు రూ.10 లక్షల వరకు విద్యారుణాలు పొందవచ్చు.

• వాస్తవానికి రూ.4.5 లక్షల వరకు పూర్తి వడ్డీ రాయితీ కల్పిస్తారు. ఆ తరువాత ఎంత మొత్తం రుణం ఉన్నా, దానిపై విధించే వడ్డీలో 3 శాతం వరకు రాయితీ ఇస్తారు. ఆడపిల్లలకు అదనపు రాయితీ కూడా కల్పిస్తారు.

• ఇంటర్, డిగ్రీ, పోస్ట్ గ్రాడ్యుయేషన్, ఇంజినీరింగ్, మెడిసిన్, పీజీ డిప్లొమా, సీఏ, ప్రొఫెషనల్ కోర్స్లు, ఐఐఎం, మేనేజ్మెంట్, ఐఐటీ, వృత్తి విద్యా కోర్సులు మొదలైనవ రంగాలకు చెందిన కోర్సులు చదివే విద్యార్థులకు ఈ పథకం కింద ఎడ్యుకేషన్ లోన్ అందిస్తారు.

• అర్హులైన విద్యార్థులు పీఎం విద్యాలక్ష్మి పోర్టల్లో ఈ రుణాల కోసం అప్లై చేసుకోవచ్చు.

• అర్హత ఉన్న విద్యార్థులకు కేవలం 15 రోజుల్లోపే విద్యారుణం మంజూరు చేస్తారు.

• ఒక వేళ రుణాలు తీర్చలేక డిఫాల్ట్‌ అయితే 75 శాతం వరకు క్రెడిట్ గ్యారెంటీ కూడా అందిస్తారు.

• మంచి ప్రతిభ ఉన్నప్పటికీ ఆర్థిక ఇబ్బందులు కారణంగా ఉన్నత విద్యకు దూరమవుతున్న విద్యార్థులకు ఇది బాగా ఉపయోగపడుతుంది.

• ఉన్నత విద్యా శాఖ ప్రతి సంవత్సరం అత్యంత నాణ్యమైన విద్యాసంస్థల జాబితాను సిద్ధం చేస్తూ ఉంటుంది. టాప్-100 ర్యాంక్ల్లో ఉన్న ఇన్స్టిట్యూట్ల్లో ప్రవేశాలు పొందిన విద్యార్థులకు ఈ విద్యాలక్ష్మి పథకం కింద లోన్స్ అందిస్తారు. అలాగే రాష్ట్రాలు/ కేంద్ర పాలిత ప్రాంతాల్లోని టాప్-200 ర్యాంక్ల్లో ఉన్న విద్యా సంస్థల్లో ప్రవేశాలు పొందిన విద్యార్థులు కూడా ఈ పథకం కింద విద్యా రుణాలు పొందడానికి వీలుంటుంది.

పీఎం విద్యాలక్ష్మి స్కీమ్ కోసం అప్లై చేసుకోండిలా

• ముందుగా మీరు https://www.vidyalakshmi.co.in/Students/  విద్యాలక్ష్మి పోర్టల్ ఓపెన్ చేయాలి.

• మీ ఫోన్ నంబర్, ఈ మెయిల్ ఐడీ ఎంటర్ చేసి రిజిస్టర్ చేసుకోవాలి.

• ఎడ్యుకేషన్ లోన్ ఫారమ్ ఓపెన్ చేసి, మీ వ్యక్తిగత, విద్యార్హతల వివరాలు, మీ ర్యాంక్ వివరాలు నమోదు చేయాలి. తరువాత

• అందుబాటులో ఉన్న రుణ పథకాలు, వాటిని అందించే బ్యాంకుల వివరాలు చూడాలి.

• మీకు అనువైన రుణ పథకాన్ని, బ్యాంకును ఎంచుకోవాలి. గరిష్ఠంగా ఒకేసారి 3 బ్యాంకులను ఎంచుకునే అవకాశం ఉంటుంది.

• బ్యాంకులు మీ దరఖాస్తును పరిశీలించి, అన్ని అర్హతలు ఉంటే, 15 రోజుల్లోగా మీ అకౌంట్లో డబ్బులు జమ చేస్తాయి.

• ఒక వేళ మీ దరఖాస్తును తిరస్కరిస్తే, అందుకు తగిన కారణాలను తెలుపుతూ మీకు మెయిల్ పంపిస్తాయి.

గమనిక: ఈ పీఎం విద్యాలక్ష్మి స్కీమ్ విద్యారుణాలపై విధించే వడ్డీ రేట్లు ఆయా బ్యాంకులను బట్టి మారుతూ ఉంటాయి. కానీ మీరు ఈ రుణాలను ఈఎంఐ పద్ధతిలో చెల్లిస్తారా? లేదా మారటోరియం పద్ధతి ద్వారా ఉద్యోగంలో చేరిన తరువాత చెల్లిస్తారా? అనేది ముందుగా చెప్పాల్సి ఉంటుంది.