విడిపోయిన దంపతులకు రేషన్ కార్డు

విడిపోయిన దంపతులకు రేషన్ కార్డు

• ఏపీలో రేషన్ కార్డుల జారీపై మంత్రి నాదెండ్ల మనోహర్ కీలక ప్రకటన
•  సాంకేతిక సమస్యలు ఉన్నాయి దరఖాస్తులు గడువు పెంచే అవకాశం 
• ఆంధ్రప్రదేశ్ రాష్ట్రంలో రేషన్ కార్డుల జారీపై మంత్రి నాదెండ్ల మనోహర్ కీలక ప్రకటన చేశారు. 
•  కొత్తగా రేషన్ కార్డుల్లో పేర్లు చేర్చుకోవాలంటే పెళ్లి కార్డు తప్పనిసరి కాదు అని స్పష్టంగా తెలిపారు.
•  కొన్నిచోట్ల అధికారులు పెళ్లి కార్డు లేకపోతే దరఖాస్తులను తిరస్కరిస్తుండటంపై వచ్చిన ఫిర్యాదులపై స్పందించిన ఆయన, ప్రజలకు అసౌకర్యం కలగకుండా నిర్ణయాలు తీసుకుంటున్నామని చెప్పారు.

 విడిపోయిన దంపతులకు రేషన్ కార్డు

• విడాకులు తీసుకున్న వారికి సంబంధించి కూడా స్పష్టత ఇచ్చారు.
• విడిపోయిన దంపతులు ఏడేళ్లకుపైగా వేర్వేరుగా ఉంటే, వారు సింగిల్ మెంబర్ రేషన్ కార్డులకు అర్హులవుతారని ప్రకటించారు.
•  దీనివల్ల తమకు కావలసిన రేషన్, ఇతర ప్రభుత్వ పథకాల్లో మద్దతు పొందడంలో వీరికి సౌలభ్యం కలుగుతుంది.
•  ప్రభుత్వ చర్యల వల్ల నిజంగా అర్హులైన వారికి ప్రయోజనం చేకూరుతుందన్నారు.

పలు సాంకేతిక సమస్యలు

•  రేషన్ కార్డుల దరఖాస్తు ప్రక్రియలో కొన్ని సాంకేతిక సమస్యలు ఉన్నాయని మంత్రి అంగీకరించారు.
• వాటిని త్వరితగతిన పరిష్కరించే చర్యలు తీసుకుంటున్నామని చెప్పారు. 
•  అవసరమైతే దరఖాస్తుల గడువును పొడిగించే అవకాశముందని పేర్కొన్నారు. 
•  ప్రభుత్వంతో కలిసి పనిచేస్తే నిజమైన లబ్దిదారులకు రేషన్ కార్డులు అందుతాయని నాదెండ్ల మనోహర్ హామీ ఇచ్చారు.