అటార్నీ జనరల్ ఆర్. వెంకటరమణి తిరిగి నియామకం 2027 వరకు పదవీ కాలం పొడిగింపు...
అటార్నీ జనరల్ ఆర్. వెంకటరమణి తిరిగి నియామకం 2027 వరకు పదవీ కాలం పొడిగింపు...
భారత అటార్నీ జనరల్ ఆర్. వెంకటరమణిని మరో రెండేళ్ల కాలానికి తిరిగి నియమించారు. ఆయన ప్రస్తుత పదవీకాలం సెప్టెంబర్ 30న ముగియాల్సి ఉండగా ఈ కొత్త నియామకంతో ఆయన 2027 వరకు పదవిలో కొనసాగుతారు.
నియామకం: ఆయన 2022లో కె.కె. వేణుగోపాల్ తర్వాత అటార్నీ జనరల్గా నియమితులయ్యారు.
ఆర్. వెంకటరమణి :
పుట్టుక: 1950లో పుదుచ్చేరిలో జన్మించారు.1977లో తమిళనాడు బార్ కౌన్సిల్లో న్యాయవాదిగా నమోదు చేసుకున్నారు.1979లో సుప్రీంకోర్టులో తన ప్రాక్టీసును ప్రారంభించారు.
1997లో సుప్రీంకోర్టు ఆయనకు సీనియర్ అడ్వొకేట్ హోదాను కల్పించింది.2010 నుంచి 2013 వరకు లా కమిషన్ సభ్యునిగా కూడా పనిచేశారు.
భారత్ అటార్నీ జనరల్ (Attorney General of India):నియామకం మరియు పదవీకాలం:
అధికరణ 76: భారత రాజ్యాంగంలోని 76వ అధికరణం అటార్నీ జనరల్ పదవి గురించి వివరిస్తుంది. ఈ అధికరణం ప్రకారం భారత ప్రభుత్వానికి న్యాయ సలహాదారుగా వ్యవహరించడానికి రాష్ట్రపతి అటార్నీ జనరల్ ను నియమిస్తారు.
అర్హతలు: సుప్రీంకోర్టు న్యాయమూర్తిగా నియమించడానికి ఉన్న అర్హతలే అటార్నీ జనరలక్కు కూడా ఉండాలి.
పదవీకాలం: అటార్నీ జనరల్ పదవీకాలం గురించి రాజ్యాంగంలో స్పష్టంగా పేర్కొనలేదు. ఆయన రాష్ట్రపతి అభీష్టం మేరకు పదవిలో కొనసాగుతారు. సాంప్రదాయకంగా కేంద్ర ప్రభుత్వం మారినప్పుడు, అటార్నీ జనరల్ తన పదవికి రాజీనామా చేస్తారు.
జీతం: అటార్నీ జనరలు చెల్లించే జీతం లేదా గౌరవ వేతనాన్ని కూడా రాష్ట్రపతి నిర్ణయిస్తారు.
విధులు మరియు అధికారాలు:
న్యాయ సలహాదారు: అటార్నీ జనరల్ భారత ప్రభుత్వానికి అత్యంత ముఖ్యమైన న్యాయ సలహాదారుగా వ్యవహరిస్తారు. రాష్ట్రపతి అప్పగించిన అన్ని న్యాయపరమైన అంశాలపై ఆయన సలహాలు ఇస్తారు.
న్యాయవాద హక్కు: అటార్నీ జనరల్కు దేశంలోని అన్ని న్యాయస్థానాలలో సుప్రీంకోర్టుతో సహా, హాజరయ్యే హక్కు ఉంటుంది. ఆయన భారత ప్రభుత్వం తరపున వాదిస్తారు.
పార్లమెంట్లో భాగస్వామ్యం: పార్లమెంట్ ఉభయ సభలలో (లోకసభ, రాజ్యసభ) మరియు ఉమ్మడి సమావేశాలలో పాల్గొనవచ్చు. అయితే ఆయనకు ఓటు వేసే హక్కు ఉండదు.
మినహాయింపులు: అటార్నీ జనరల్ ప్రభుత్వానికి వ్యతిరేకంగా ఎలాంటి సలహాలు లేదా వాదనలు చేయకూడదు. అలాగే, క్రిమినల్ కేసులలో నిందితుడి తరపున వాదించకూడదు.