మూడీస్ భారతదేశ క్రెడిట్ రేటింగ్ 'BAA3' స్థిరంగా ఉంచింది…
మూడీస్ భారతదేశ క్రెడిట్ రేటింగ్ 'BAA3' స్థిరంగా ఉంచింది…
అంతర్జాతీయ క్రెడిట్ రేటింగ్ ఏజెన్సీ మూడీస్ భారతదేశ దీర్ఘకాలిక దేశీయ మరియు విదేశీ కరెన్సీ ఇష్యూయర్ రేటింగ్ను 'Baa3' గా కొనసాగించింది. భవిష్యత్ అంచనాను కూడా 'స్థిరం' (Stable) గా ఉంచింది.
రేటింగ్ కు కారణాలు: మూడీస్ ప్రకారం భారతదేశంలో బలమైన ఆర్థిక వృద్ధి, మెరుగైన విదేశీ మారకపు ద్రవ్యం నిల్వలు మరియు దేశీయంగా స్థిరమైన ద్రవ్య పరిస్థితులు ఈ రేటింగ్ కు ప్రధాన కారణాలు.
అమెరికా సుంకాల ప్రభావం: ఆసియా-పసిఫిక్ ప్రాంతంలో సగటున 15-20% సుంకాలు ఉండగా
భారతదేశంపై అమెరికా విధించిన 50% సుంకాలు భారత ఆర్థిక వృద్ధిపై స్వల్ప ప్రతికూల ప్రభావం చూపే అవకాశం ఉంది. ఇది మధ్య- దీర్ఘకాలంలో అధిక విలువ కలిగిన తయారీ ఎగుమతులను చేయాలన్న భారత లక్ష్యాలకు అడ్డంకిగా మారవచ్చు.
ప్రభుత్వ రుణ భారం: బలమైన జీడీపీ వృద్ధి కారణంగా ప్రభుత్వ రుణ భారం క్రమంగా తగ్గుతోంది. అయితే ప్రైవేటు వినియోగాన్ని పెంచడానికి ప్రభుత్వం తీసుకున్న చర్యలు ప్రభుత్వ ఆదాయంపై ప్రభావం చూపవచ్చు, దీనివల్ల రుణ భారం ఎక్కువగా తగ్గే అవకాశం లేదని అంచనా.
ఇతర రేటింగ్ ఏజెన్సీలు:
ఎస్&పీ గ్లోబల్ రేటింగ్స్: భారతదేశ రేటింగ్ను BBB- నుండి BBBకి సవరించింది.
రేటింగ్ అండ్ ఇన్వెస్ట్మెంట్ ఇన్ఫర్మేషన్ (R&l): ఈ జపనీస్ ఏజెన్సీ భారత దీర్ఘకాల సావరిన్ క్రెడిట్ రేటింగ్ ను BBB నుండి BBB+కి సవరించింది.
క్రెడిట్ రేటింగ్ (Credit Rating): ఒక దేశం, కంపెనీ లేదా వ్యక్తి అప్పులను తిరిగి చెల్లించగల సామర్థ్యాన్ని అంచనా వేసే ఒక రేటింగ్. ఇది పెట్టుబడిదారులకు ఆ దేశం లేదా సంస్థలో పెట్టుబడి పెట్టడం ఎంత సురక్షితమో తెలియజేస్తుంది.
మూడీస్ (Moody's): మూడీస్ అనేది ప్రపంచంలోని మూడు అతిపెద్ద క్రెడిట్ రేటింగ్ ఏజెన్సీలలో ఒకటి. ఇతర రెండు ఏజెన్సీలు ఎస్ పీ (S&P) మరియు ఫిచ్ (Fitch)
రేటింగ్ వర్గీకరణ:
'Baa3': ఇది పెట్టుబడి గ్రేడ్ రేటింగ్. దీని అర్థం, పెట్టుబడికి మధ్యస్థ స్థాయి ప్రమాదం ఉంది.
'BBB': ఇది కూడా పెట్టుబడి గ్రేడ్ రేటింగ్. 'Baa' లేదా 'BBB' రేటింగ్లు పెట్టుబడికి సాధారణంగా సురక్షితమైనవిగా పరిగణించబడతాయి.
భవిష్యత్ అంచనా (Outlook): ఒక దేశం యొక్క క్రెడిట్ రేటింగ్లో భవిష్యత్తులో మార్పులు ఉండవచ్చో లేదో సూచించే అంచనా.
స్థిరం (Stable): రాబోయే కాలంలో రేటింగ్ మారే అవకాశం లేదు.
సానుకూలం (Positive): రేటింగ్ పెరిగే అవకాశం ఉంది.
ప్రతికూలం (Negative): రేటింగ్ తగ్గే అవకాశం ఉంది