ఆఫర్‌ మామూలుగా లేదుగా.. ఈ కారుపై రూ.3,85,000 తగ్గింపు.. భారీ డిస్కౌంట్‌!

న్యూఢిల్లీ – ఫిబ్రవరి 13 – పీపుల్స్ మోటివేషన్ 

దేశీయ వాహన మార్కెట్లో విద్యుత్ కార్లకు డిమాండ్ పెరుగుతున్న నేపథ్యంలో కంపెనీలు వినియోగదారులను ఆకర్షించేందుకు భారీ తగ్గింపులు ప్రకటిస్తున్నాయి. ఇప్పటికే అనేక విద్యుత్ వాహనాలు మార్కెట్లో అందుబాటులో ఉండగా, కొత్త మోడళ్ల రాకతో పాత మోడళ్లపై లక్షల రూపాయల వరకు రాయితీలు అందిస్తున్నారు. కొన్ని కార్లపై ఏకంగా రూ.3 లక్షల 85 వేల వరకు తగ్గింపు లభిస్తోంది.

ఎంజీ జెడ్‌ఎస్ ఈవీపై భారీ తగ్గింపు

ఎంజీ మోటార్ ఇండియా తయారు చేసిన ఎంజీ జెడ్‌ఎస్ ఈవీ మోడల్‌పై అత్యధికంగా తగ్గింపు లభిస్తోంది.

2025 మోడల్‌పై రూ.3.80 లక్షల వరకు, 2026 మోడల్‌పై రూ.3.30 లక్షల వరకు తగ్గింపుతో అందుబాటులో ఉంది. ఈ వాహనం ధర రూ.17.50 లక్షల నుంచి రూ.22.25 లక్షల మధ్య ఉంది. పూర్తి చార్జ్‌తో సుమారు 585 కిలోమీటర్ల వరకు ప్రయాణించగల సామర్థ్యం కలిగి ఉంది.

టాటా మోటార్స్ నుంచి వచ్చిన టాటా హారియర్ ఈవీ 2025–2026 మోడళ్లపై రూ.1.50 లక్షల వరకు తగ్గింపు అందిస్తున్నారు. ఈ వాహనం ధర రూ.21.50 లక్షల నుంచి రూ.30.24 లక్షల వరకు ఉంది.

టాటా పంచ్ ఈవీ

టాటా పంచ్ ఈవీ 2025 మోడల్‌పై రూ.1.60 లక్షల వరకు, 2026 మోడల్‌పై రూ.90 వేల వరకు ప్రయోజనాలు లభిస్తున్నాయి. ధరలు రూ.10 లక్షల నుంచి రూ.14.45 లక్షల వరకు ఉన్నాయి. ఒక్కసారి చార్జ్ చేస్తే సుమారు 421 కిలోమీటర్ల వరకు ప్రయాణించవచ్చు.

టాటా నెక్సాన్ ఈవీ

టాటా నెక్సాన్ ఈవీ 2025 మోడల్‌పై రూ.1.20 లక్షల వరకు తగ్గింపు లభిస్తుండగా, 2026 మోడల్‌పై రూ.30 వేల వరకు ప్రయోజనాలు ఉన్నాయి. ధరలు రూ.12.49 లక్షల నుంచి రూ.17.49 లక్షల వరకు ఉన్నాయి.

టాటా టియాగో ఈవీ

టాటా టియాగో ఈవీ 2025 మోడల్‌పై రూ.1.50 లక్షల వరకు తగ్గింపు, 2026 మోడల్‌పై రూ.60 వేల వరకు ప్రయోజనాలు అందుబాటులో ఉన్నాయి. ధరలు రూ.7.99 లక్షల నుంచి రూ.11.14 లక్షల వరకు ఉన్నాయి. పూర్తి చార్జ్‌తో సుమారు 315 కిలోమీటర్ల వరకు ప్రయాణించగలదు.

విద్యుత్ వాహనం కొనుగోలు చేయాలని భావిస్తున్న వారికి ప్రస్తుతం కంపెనీలు ప్రకటిస్తున్న ఈ తగ్గింపులు మంచి అవకాశంగా మారాయి. అయితే ప్రాంతానుసారం రాయితీలు మారే అవకాశం ఉండటంతో కొనుగోలు ముందు సమీప విక్రయ కేంద్రంలో పూర్తి వివరాలు తెలుసుకోవడం మంచిది.