తిరుమల లడ్డూ కల్తీ వ్యవహారంపై సీపీఐ నేత నారాయణ స్పందన

తిరుమల సందర్శించి అధికారులతో చర్చ

రాజకీయాలు మానేసి దోషులకు కఠిన శిక్ష విధించాలని సూచన

నెయ్యిలో కల్తీ వాస్తవమని వ్యాఖ్య

తిరుమల, ఫిబ్రవరి 12 (పీపుల్స్ మోటివేషన్): దేశవ్యాప్తంగా సంచలనం రేపుతున్న తిరుమల లడ్డూ కల్తీ వ్యవహారంపై సీపీఐ జాతీయ నాయకుడు నారాయణ గురువారం తిరుమలను సందర్శించారు. సంబంధిత అధికారులతో మాట్లాడిన అనంతరం జరిగిన విషయాలను ఆయన మీడియాకు వెల్లడించారు. తిరుమల లడ్డూలో కల్తీ జరిగిందనేది వాస్తవమే అయినప్పటికీ, ఈ అంశంపై రాజకీయాలు చేయడం మానుకోవాలని నారాయణ సూచించారు. దోషులపై కఠిన చర్యలు తీసుకోవాలని, పవిత్రమైన అంశాన్ని రాజకీయ లాభం కోసం ఉపయోగించకూడదని అన్నారు. అధికార, ప్రతిపక్ష పార్టీలు పరస్పరం ఆరోపణలు చేసుకుంటూ భక్తులకు మానసిక వేదన కలిగిస్తున్నాయని వ్యాఖ్యానించారు. బాధ్యతాయుతమైన అధికారులపై, మాజీ కార్యనిర్వాహక అధికారిపై తగిన చర్యలు తీసుకోవాలని ఆయన డిమాండ్ చేశారు. ఈ విషయాన్ని రాజకీయ వైరంగా మార్చడం తగదని సూచించారు. పవిత్రమైన లడ్డూల తయారీలో ఉపయోగించే నెయ్యిలో కల్తీ జరిగిన విషయం వాస్తవమని పేర్కొన్నారు. భక్తుల విశ్వాసాన్ని కాపాడేలా పారదర్శక విచారణ జరిపి దోషులను శిక్షించాలని నారాయణ కోరారు.