కల్వకుంట్ల కవిత జన్మదినం సందర్భంగా మెగా జాబ్ మేళా పోస్టర్ ఆవిష్కరణ

- పెద్దపల్లి జిల్లాలో నిర్వహించనున్న ఉపాధి కార్యక్రమం

- తెలంగాణ జాగృతి రాష్ట్ర కార్యదర్శి ఆధ్వర్యంలో ఏర్పాట్లు

- యువతకు ఉపాధి అవకాశాలే లక్ష్యమని స్పష్టం

హైదరాబాద్, ఫిబ్రవరి 21 (పీపుల్స్ మోటివేషన్): తెలంగాణ జాగృతి వ్యవస్థాపక అధ్యక్షురాలు కల్వకుంట్ల కవిత జన్మదినాన్ని పురస్కరించుకొని పెద్దపల్లి జిల్లాలో నిర్వహించనున్న మెగా జాబ్ మేళా కార్యక్రమానికి సంబంధించిన పోస్టర్‌ను ఆమె ఆవిష్కరించారు. ఈ కార్యక్రమాన్ని తెలంగాణ జాగృతి రాష్ట్ర కార్యదర్శి బండారి శ్రీనివాస్ గౌడ్ ఆధ్వర్యంలో నిర్వహించనున్నట్లు తెలిపారు. యువతకు ఉపాధి అవకాశాలు కల్పించడమే ఈ జాబ్ మేళా ప్రధాన లక్ష్యమని నిర్వాహకులు పేర్కొన్నారు. పెద్దపల్లి జిల్లా వ్యాప్తంగా నిరుద్యోగ యువతకు వివిధ రంగాల్లో ఉద్యోగ అవకాశాలు కల్పించేలా ఏర్పాట్లు చేస్తున్నట్లు తెలిపారు. ఈ సందర్భంగా కల్వకుంట్ల కవిత మాట్లాడుతూ యువత సాధికారతే సమాజ అభివృద్ధికి పునాది అని పేర్కొన్నారు. నైపుణ్యాభివృద్ధి, ఉపాధి అవకాశాల కల్పన ద్వారా యువతను ఆర్థికంగా బలపరచాలని ఆకాంక్షించారు. కార్యక్రమ విజయవంతం కోసం పార్టీ శ్రేణులు, స్థానిక నాయకులు సమన్వయంతో పనిచేయాలని పిలుపునిచ్చారు. పెద్దపల్లి జిల్లాలో నిర్వహించనున్న ఈ మెగా జాబ్ మేళా యువతకు మార్గదర్శకంగా నిలవాలని ఆశాభావం వ్యక్తం చేశారు.