గవర్నర్‌ను మర్యాదపూర్వకంగా కలిసిన ఉప ముఖ్యమంత్రి పవన్ కల్యాణ్

• విజయవాడలో లోక్ భవన్‌లో భేటీ
• బడ్జెట్ సమావేశాల ప్రసంగానికి కృతజ్ఞతలు
• రాష్ట్ర అభివృద్ధి అంశాలపై చర్చ

విజయవాడ, ఫిబ్రవరి 13 (పీపుల్స్ మోటివేషన్): ఆంధ్రప్రదేశ్ రాష్ట్ర గౌరవనీయ గవర్నర్ జస్టిస్ ఎస్ అబ్దుల్ నజీర్ను ఉప ముఖ్యమంత్రి పవన్ కల్యాణ్ ఈ రోజు సాయంత్రం విజయవాడలోని లోక్ భవన్‌లో మర్యాదపూర్వకంగా కలిశారు. ఈ సందర్భంగా బడ్జెట్ సమావేశాల్లో గవర్నర్ చేసిన ప్రసంగానికి ఉప ముఖ్యమంత్రి ధన్యవాదాలు తెలిపారు. రాష్ట్ర అభివృద్ధి, సంక్షేమ కార్యక్రమాలపై ప్రభుత్వం తీసుకుంటున్న చర్యలను వివరించినట్లు సమాచారం. రాష్ట్ర పరిపాలన, భవిష్యత్ కార్యాచరణపై కూడా ఈ భేటీలో చర్చ జరిగినట్లు తెలిసింది. గవర్నర్‌ను మర్యాదపూర్వకంగా కలసిన ఉప ముఖ్యమంత్రి రాష్ట్రాభివృద్ధికి ప్రభుత్వం కట్టుబడి ఉందని స్పష్టం చేశారు.