ప్రపంచ స్థాయి సౌకర్యాలతో కరీంనగర్ రైల్వే స్టేషన్

• అత్యాధునిక సదుపాయాలతో పునరాభివృద్ధి పూర్తి
• రూ.25.85 కోట్ల వ్యయంతో నిర్మాణం
• ప్రయాణికులకు మెరుగైన అనుభవం

కరీంనగర్, ఫిబ్రవరి 25 (పీపుల్స్ మోటివేషన్): తెలంగాణలోని కరీంనగర్ రైల్వే స్టేషన్ పునరాభివృద్ధి పనులు పూర్తయ్యాయి. ప్రపంచ స్థాయి అత్యాధునిక సౌకర్యాలతో స్టేషన్ రూపు సంతరించుకుని ప్రయాణికులకు మరింత సౌకర్యవంతమైన ప్రయాణ అనుభవాన్ని అందిస్తోంది. మొత్తం రూ.25.85 కోట్ల వ్యయంతో చేపట్టిన ఈ ప్రాజెక్టు శాతం 100 పూర్తి అయింది. స్టేషన్ భవనాన్ని ఆధునిక నమూనాలో అభివృద్ధి చేయడంతో పాటు విస్తృతమైన వేచివుండే గదులు, శుభ్రమైన మరుగుదొడ్లు, మెరుగైన తాగునీటి సదుపాయాలు ఏర్పాటు చేశారు. ప్రయాణికుల రాకపోకలకు సులభతరం చేసే విధంగా ప్లాట్‌ఫార్మ్‌లను విస్తరించారు. అదేవిధంగా డిజిటల్ సూచిక బోర్డులు, సీసీ కెమెరా పర్యవేక్షణ, ప్రత్యేకంగా మహిళలు, వృద్ధులు, దివ్యాంగుల కోసం సౌకర్యాలు కల్పించారు. భద్రత, పరిశుభ్రత, సౌకర్యాల పరంగా స్టేషన్‌ను మరింత సమర్థవంతంగా తీర్చిదిద్దారు. ఈ పునరాభివృద్ధితో కరీంనగర్ రైల్వే స్టేషన్ ప్రాంతీయ రవాణా కేంద్రంగా మరింత ప్రాధాన్యం పొందనుంది. ప్రయాణికుల సంఖ్య పెరగడంతో పాటు స్థానిక ఆర్థిక కార్యకలాపాలకు కూడా ఊతమివ్వనుందని అధికారులు భావిస్తున్నారు.