పాకిస్థాన్ మ్యాచ్కు ముందు కొలంబోలో ప్రియురాలితో కనిపించిన పాండ్య
పాకిస్థాన్ మ్యాచ్కు ముందు కొలంబోలో ప్రియురాలితో కనిపించిన పాండ్య
కొలంబో – ఫిబ్రవరి 14 – పీపుల్స్ మోటివేషన్
టీ20 ప్రపంచకప్లో భాగంగా పాకిస్థాన్తో జరగనున్న కీలక మ్యాచ్కు ముందు భారత జట్టు ఆల్రౌండర్ హార్దిక్ పాండ్య మరోసారి వార్తల్లో నిలిచాడు. కొలంబోలోని ఓ హోటల్ లాబీలో తన ప్రియురాలు మహిక శర్మతో కలిసి కనిపించిన వీడియో సామాజిక మాధ్యమాల్లో వైరల్గా మారింది.
భారత క్రికెట్ నియంత్రణ మండలి నిబంధనల ప్రకారం విదేశీ పర్యటనల సమయంలో ఆటగాళ్లు కుటుంబ సభ్యులతో ఉండకూడదనే నియమం ఉన్నప్పటికీ, పాండ్య ప్రియురాలితో కనిపించడం చర్చనీయాంశంగా మారింది. అయితే ఈ విషయంపై జట్టు యాజమాన్యం నుంచి అధికారిక స్పందన వెలువడలేదు.
ప్రేమికుల దినోత్సవం సందర్భంగా పాండ్య తన మెడపై ‘ఎమ్’ అనే అక్షరాన్ని టాటూగా వేయించుకున్నాడని సమాచారం. అది తన ప్రియురాలి పేరులోని మొదటి అక్షరమని ప్రచారం జరుగుతోంది. కొంతకాలంగా ఇద్దరూ సంబంధంలో ఉన్నట్లు క్రీడా వర్గాల్లో చర్చ సాగుతోంది. ఇటీవల జరిగిన మ్యాచ్లో తన ప్రదర్శనను కూడా ఆమెకు అంకితమిచ్చినట్లు పాండ్య పేర్కొన్న విషయం తెలిసిందే.
ఇదిలా ఉండగా, టీ20 ప్రపంచకప్ పోటీల కోసం శ్రీలంక చేరుకున్న భారత జట్టుకు ఘన స్వాగతం లభించింది. స్థానిక కళాకారులు సంప్రదాయ వాద్యాలతో ఆటగాళ్లకు స్వాగతం పలికారు. భారత్–పాకిస్థాన్ పోరుకు ముందు ఈ పరిణామం అభిమానుల్లో ఆసక్తిని రేకెత్తిస్తోంది.