వేట్లపాలెం పేలుడు… మృతుల సంఖ్య ఇరవై ఒకటికి పెరుగుదల

పంటపొలాల్లోకి ఎగిరిపడ్డ మృతదేహాలు

క్షతగాత్రులకు మెరుగైన వైద్యం అందిస్తామని ప్రభుత్వం హామీ

కాకినాడ, మార్చి 1 (పీపుల్స్ మోటివేషన్): ఆంధ్రప్రదేశ్‌లోని కాకినాడ జిల్లా సామర్లకోట మండలం వేట్లపాలెం గ్రామంలో సంభవించిన ఘోర పేలుడు పలు కుటుంబాల్లో విషాదాన్ని నింపింది. బాణాసంచా తయారీ కేంద్రంలో శనివారం మధ్యాహ్నం రెండు గంటల ప్రాంతంలో జరిగిన ఈ ప్రమాదంలో మృతుల సంఖ్య ఇరవై ఒకటికి పెరిగింది. పందొమ్మిదికి పైగా మంది తీవ్రంగా గాయపడ్డారు. ఘటనాస్థలంలోనే మృతులకు పంచనామా నిర్వహించి అనంతరం మృతదేహాలను కాకినాడ ప్రభుత్వ ఆసుపత్రికి తరలించారు. వేట్లపాలెం, జి మేడపాడు గ్రామాల మధ్య ఉన్న బాణాసంచా తయారీ కేంద్రంలో పేలుడు సంభవించిన సమయంలో అక్కడ పెద్ద మొత్తంలో పేలుడు పదార్థాలు నిల్వ ఉన్నట్లు సమాచారం. పేలుడు తీవ్రతకు చుట్టుపక్కల ప్రాంతాలు కంపించాయి. సమీపంలోని పంటపొలాల్లోకి మృతదేహాలు ఎగిరిపడటంతో దృశ్యాలు హృదయ విదారకంగా మారాయి. ఈ ప్రమాదంలో ఇరవై ఒకటికి పైగా మంది సజీవదహనం అయినట్లు అధికారులు ధ్రువీకరించారు. పలువురు తీవ్ర గాయాలతో ఆసుపత్రుల్లో చికిత్స పొందుతున్నారు. క్షతగాత్రులకు మెరుగైన వైద్యం అందించేందుకు ప్రత్యేక వైద్య బృందాలను ఏర్పాటు చేసినట్లు రాష్ట్ర ప్రభుత్వం తెలిపింది. ప్రమాదానికి గల కారణాలపై దర్యాప్తు ప్రారంభమైంది. బాణాసంచా కేంద్రంలో భద్రతా ప్రమాణాలు పాటించబడాయా లేదా అన్న కోణంలో అధికారులు విచారణ చేపట్టారు. ఈ విషాద ఘటనపై రాష్ట్రవ్యాప్తంగా సంతాపం వ్యక్తమవుతోంది.