నర్మెట్టలో ఆయిల్ పామ్ ఫ్యాక్టరీ ఏర్పాట్ల పరిశీలన

• ముఖ్యమంత్రి చేతుల మీదుగా ఈనెల 22న ప్రారంభం
• మంత్రి తుమ్మల నాగేశ్వరరావుతో కలిసి ఏర్పాట్లు పరిశీలించిన మంత్రి పొన్నం ప్రభాకర్
• పరిశ్రమ ప్రారంభానికి అధికారులు వేగంగా ఏర్పాట్లు

సిద్దిపేట, మార్చి 14 (పీపుల్స్ మోటివేషన్): సిద్దిపేట జిల్లా నంగునూరు మండలం నర్మెట్టలో ఏర్పాటు చేసిన ఆయిల్ పామ్ ఫ్యాక్టరీ ప్రారంభోత్సవానికి సంబంధించి ఏర్పాట్లను రాష్ట్ర రవాణా మరియు బీసీ సంక్షేమ శాఖ మంత్రి పొన్నం ప్రభాకర్ పరిశీలించారు. ఈనెల 22న ముఖ్యమంత్రి రేవంత్ రెడ్డి చేతుల మీదుగా ఫ్యాక్టరీ ప్రారంభించనున్న నేపథ్యంలో సహచర మంత్రి తుమ్మల నాగేశ్వరరావుతో కలిసి ఫ్యాక్టరీ ప్రాంగణాన్ని సందర్శించి ఏర్పాట్ల పురోగతిని సమీక్షించారు.

ఈ సందర్భంగా అధికారులు చేపడుతున్న పనుల గురించి వివరాలు తెలుసుకున్న మంత్రి, ప్రారంభోత్సవ కార్యక్రమం విజయవంతంగా జరిగేలా అన్ని ఏర్పాట్లు సమర్థవంతంగా పూర్తి చేయాలని సూచించారు. ఫ్యాక్టరీ ప్రారంభానికి అవసరమైన మౌలిక వసతులు, భద్రతా ఏర్పాట్లు, ఇతర సౌకర్యాలపై అధికారులతో చర్చించారు. నర్మెట్టలో ఏర్పాటైన ఆయిల్ పామ్ ఫ్యాక్టరీ ప్రాంతీయ రైతులకు ఎంతో ఉపయోగపడుతుందని మంత్రి పేర్కొన్నారు. ఆయిల్ పామ్ సాగుకు ప్రోత్సాహం లభించడంతో పాటు రైతులకు మెరుగైన ఆదాయం అందే అవకాశాలు పెరుగుతాయని తెలిపారు. వ్యవసాయ ఆధారిత పరిశ్రమలు గ్రామీణ ఆర్థిక వ్యవస్థను బలోపేతం చేయడంలో కీలక పాత్ర పోషిస్తాయని చెప్పారు. ఈ ఫ్యాక్టరీ ప్రారంభం తర్వాత స్థానికంగా ఉపాధి అవకాశాలు పెరుగుతాయని అధికారులు పేర్కొన్నారు. రైతులు పండించే ఆయిల్ పామ్ పంటకు మార్కెట్ సౌకర్యం కల్పించడంతో పాటు వ్యవసాయ రంగానికి కొత్త అవకాశాలు తెరుచుకుంటాయని తెలిపారు. రైతులు పండించే ఆయిల్ పామ్ పంటకు మార్కెట్ సౌకర్యం కల్పించడంతో పాటు వ్యవసాయ రంగానికి కొత్త అవకాశాలు తెరుచుకుంటాయని తెలిపారు.