Curd: పెరుగును వాటితో తీసుకోవడం మంచిది కాదు..?

Curd: పెరుగును వాటితో తీసుకోవడం మంచిది కాదు..?

అత్యంత రుచికరమైన బిర్యానీ తిన్నా కూడా పెరుగు వేసుకోకుండా తింటే అసలు భోజనం చేసినట్లే ఉండదు అని చాలా మంది అంటుంటారు.. పెరుగును తీసుకోవడం వల్ల శరీరానికి ఎన్ని పోషకాలు అందుతాయో చాలా మందికి తెలియదు.. అయితే పెరుగును కొన్ని పదార్థాలతో కలిపి తీసుకోవడం మంచిది కాదని నిపుణులు అంటున్నారు అవేంటో ఒకసారి చూసేద్దాం..

కొంతమంది మామిడి పండ్లను పెరుగుతో కలిపి తీసుకుంటారు.. మామిడి వేడి, పెరుగు చలువ.. ఇవి కూడా వ్యతిరేకం అందుకే వీటిని అస్సలు తీసుకోకూడదు. ఉల్లిపాయలను చాలా మంది పెరుగులో నంజుకుని తింటారు. కానీ ఈ రెండింటినీ కలిపి తినకూడదట. తింటే శరీరంలో వేడి ఉత్పత్తి అవుతుంది.. కడుపు ఉబ్బరం, కడుపు నొప్పి వంటి సమస్యలు తలెత్తే అవకాశాలు ఎక్కువగా ఉంటాని నిపుణులు చెబుతున్నారు.. పాలు, పెరుగు రెండూ ఒకే జాతికి చెందినవి. అయినప్పటికీ రెండింటినీ ఒకేసారి తీసుకోరాదు.. అలాగే నూనె లేదా కొవ్వు పదార్థాలతోనూ పెరుగును కలిపి తినరాదు.. పెరుగును తినేటప్పుడు ఈ విషయాలను గుర్తుంచుకొని తినడం మంచిది..