RRB: నిరుద్యోగులకు రైల్వే బోర్డు గుడ్ న్యూస్.. 14వేల పోస్టులకు మరోసారి దరఖాస్తుల ఆహ్వానం

RRB: నిరుద్యోగులకు రైల్వే బోర్డు గుడ్ న్యూస్.. 14వేల పోస్టులకు మరోసారి దరఖాస్తుల ఆహ్వానం

• రైల్వే రిక్రూట్మెంట్ బోర్డ్ (RRB) టెక్నీషియన్ రిక్రూట్మెంట్  పునఃప్రారంభం..

• టెక్నీషియన్ 14298 పోస్టులకు రిజిస్ట్రేషన్ ప్రక్రియ మళ్లీ ప్రారంభం..

• ఈ రిక్రూట్మెంట్ కోసం దరఖాస్తు ప్రక్రియను మళ్లీ ప్రారంభించాలని బోర్డు నిర్ణయం..

• అక్టోబర్ 2 నుండి అక్టోబర్ 16 వరకు దరఖాస్తు ప్రక్రియ..

రైల్వే రిక్రూట్మెంట్ బోర్డ్ (RRB) తన పాత రిక్రూట్మెంట్లలో 02/2024 నోటిఫికేషన్ టెక్నీషియన్ పోస్టుల భర్తీకి దరఖాస్తులు పునఃప్రారంభించనున్నట్లు ప్రకటించింది. ఆర్ఆర్బీ టెక్నీషియన్ యొక్క 14298 పోస్టులకు పెంచుతూ మళ్లీ దరఖాస్తులకు ఆహ్వానం పలికింది. ఈ ఏడాది ఫిబ్రవరిలో ఈ రిక్రూట్మెంట్ నోటిఫికేషన్ వచ్చింది. మార్చి-ఏప్రిల్ వరకు దరఖాస్తు ప్రక్రియ కొనసాగింది. అయితే ఈ రిక్రూట్మెంట్ కోసం దరఖాస్తు ప్రక్రియను మళ్లీ ప్రారంభించాలని బోర్డు నిర్ణయించింది.

దరఖాస్తు ప్రక్రియ ఎప్పుడు ప్రారంభమవుతుంది..?

ఈ రిక్రూట్మెంట్ కోసం తిరిగి దరఖాస్తు ప్రక్రియ అక్టోబర్ 2 నుండి ప్రారంభమవుతుంది. అభ్యర్థులు అక్టోబర్ 16 వరకు దరఖాస్తు చేసుకోవచ్చు. 

ఎన్ని పోస్ట్ లు ఖాళీగా ఉన్నాయి..?

RRB టెక్నీషియన్ రిక్రూట్మెంట్ 2024 కింద.. టెక్నీషియన్ గ్రేడ్ I సిగ్నల్ పోస్టుకు 1092, టెక్నీషియన్ గ్రేడ్ III పోస్టుకు 8052, టెక్నీషియన్ గ్రేడ్ III (వర్క్ షాప్ మరియు పియు) పోస్టు 5154 ఖాళీలు ఉన్నాయి.

ఎవరు అర్హులు..?

టెక్నీషియన్ గ్రేడ్ III కోసం ఈ రిక్రూట్మెంట్ కోసం దరఖాస్తు చేసుకునే అభ్యర్థులు కనీసం 10th పాస్, ITI పాస్ అయి ఉండాలి. టెక్నీషియన్ గ్రేడ్ /సిగ్నల్ కోసం దరఖాస్తు చేసుకునే అభ్యర్థులు ఇంజనీరింగ్ లేదా B.Sc (ఫిజిక్స్/ఎలక్ట్రానిక్స్/IT)లో డిప్లొమా ఉత్తీర్ణులై ఉండాలి.

వయోపరిమితి:-

టెక్నీషియన్ గ్రేడ్ I సిగ్నల్ కోసం దరఖాస్తు చేసుకోవడానికి అభ్యర్థుల వయస్సు పరిమితి 18 నుండి 36 సంవత్సరాలు, టెక్నీషియన్ గ్రేడ్ III కోసం వయోపరిమితి 18 నుండి 33 సంవత్సరాలు. ఎస్సీ/ఎస్టీలకు 5 ఏళ్లు, ఓబీసీ (నాన్ క్రీమీ లేయర్)కి మూడేళ్లు, ఎక్స్-సర్వీస్మెన్స్కు 3 నుంచి 8 ఏళ్లు, పీడబ్ల్యూడీ అభ్యర్థులకు 8 నుంచి 15 ఏళ్ల వరకు సడలింపు ఉంటుంది.

👉దరఖాస్తు కొరకు RRB వెబ్సైట్ http://www.rrbapply.gov.in లో అందుబాటులో ఉంటాయి.