గవర్నర్ అబ్దుల్ నజీర్‌కు అభినందనలు తెలిపిన చంద్రబాబు

అమరావతి, నవంబర్ 5 (పీపుల్స్ మోటివేషన్): కర్ణాటక స్టేట్ లా యూనివర్సిటీ నుంచి  డాక్టర్ ఆఫ్ లాస్ బహుమతి అందుకున్న ఆంధ్రప్రదేశ్ గవర్నర్ అబ్దుల్ నజీర్‌కు ముఖ్యమంత్రి నారా చంద్రబాబు నాయుడు అభినందనలు తెలిపారు. న్యాయం, చట్ట పరిరక్షణ, ప్రజాసేవ రంగాల్లో నజీర్ అందించిన సేవలకు గుర్తింపుగా ఈ గౌరవం లభించిందని చంద్రబాబు పేర్కొన్నారు. గవర్నర్ నజీర్ న్యాయరంగంలో చూపిన సమర్ధత, న్యాయ తత్వాన్ని నిలబెట్టిన తీరు దేశానికి ఆదర్శప్రాయమని ప్రశంసించారు. న్యాయవ్యవస్థకు మార్గదర్శకంగా నిలిచిన తీర్పులతో పాటు, గవర్నర్ పదవిలో రాజ్యాంగ విలువలను కాపాడడంలో ఆయన చూపుతున్న కట్టుబాటు ఈ గౌరవానికి కారణమని పేర్కొన్నారు.

దేశ న్యాయరంగానికి సేవలు అందించిన వ్యక్తిత్వానికి ఈ గౌరవ డాక్టరేట్ మరింత ప్రతిష్ఠను తీసుకొస్తోందని పలువురు అభినందనలు తెలియజేస్తున్నారు.