మీ ఆదాయంలో ఈఎంఐ ఎంత ఉండాలో తెలుసా.. 

న్యూఢిల్లీ, నవంబర్‌ 5 (పీపుల్స్ మోటివేషన్):

చాలా మంది బ్యాంకుల్లో పర్సనల్ లోన్స్, హోం లోన్స్ వంటివి తీసుకుంటుంటారు. చిన్న చిన్న అవసరాలకు కూడా కొందరు లోన్ కోసం బ్యాంకుల్ని ఆశ్రయిస్తుంటారు. అయితే.. ఎవరైనా తమ ఆదాయంలో నిర్దిష్ట మొత్తానికి మించి నెలకు ఈఎంఐ చెల్లించొద్దు. ఇక్కడ కాస్త నిర్లక్ష్యంగా వ్యవహరించినా.. అప్పుల్లో కూరుకుపోయే ప్రమాదం ఉంటుంది.మీరు అవసరానికి మించి ఖర్చులు చేస్తున్నారా.. అవసరానికి మించి లోన్ తీసుకుంటున్నారా.. సంపాదించే దాంట్లో ఎంత ఖర్చు చేస్తున్నారు.. ఎంత ఆదా చేస్తున్నారు.. వీటిపై మీకు అవగాహన ఉందా.. అన్ని విషయాల గురించి మీరు తెలుసుకోవాలి. ఇదే మిమ్మల్ని అప్పుల బారిన పడకుండా ఉండేందుకు సహాయం చేస్తుంది. మీరు జాగ్రత్తగా నడుచుకునేలా ఉపయోగపడుతుంది. ఇక్కడ ముఖ్యంగా లోన్ల విషయంలో జాగ్రత్తగా వ్యవహరించాల్సిన అవసరం ఎంతో ఉంది. ఇక్కడ ఈఎంఐ గురించి అందరికీ అవగాహన ముఖ్యం. అంటే.. మీ ఆదాయం ఎంత ఉంది.. అందులో నుంచి ఎంత ఆదా అవుతుంది.. ఎంత ఖర్చు చేస్తున్నారు.. ఈఎంఐ కోసం ఎంత ఖర్చు చేస్తున్నారు వీటన్నింటి గురించి తెలుసుకోవాలి. అప్పుడే.. అప్పుల్లో చిక్కుకోకుండా ఉండొచ్చు.మీరు ఇక్కడ ముందుగా మీ ఈఎంఐలను సమీక్షించుకోవాలి. అప్పుడే మీ మొత్తం ఆదాయం, వ్యయం గురించి ఒక అవగాహన వస్తుంది. ఇంకా తెలివైన నిర్ణయాల్ని తీసుకోవచ్చు. ఇలాంటి చక్కటి ప్రణాళికాబద్ధమైన విధానాలతో.. దీర్ఘకాలికంగా ఆర్థిక స్థిరత్వం వస్తుంది.ఈఎంఐలను క్రమం తప్పకుండా సమీక్షించుకోవడం వల్ల.. మీ ఆదాయంలో ఎంత వరకు ఖర్చు అవుతుందనే దాని గురించి తెలుసుకోవచ్చు. ముఖ్యంగా ఇక్కడ ఆదాయంలో.. ఈఎంఐ అనేది 35-40 శాతం వరకు ఉండాలి. ఇది సేఫ్ జోన్ అని ఆర్థిక నిపుణులు చెబుతున్నారు. అంటే మీ నెలవారీ ఆదాయం రూ. 1 లక్ష అనుకుంటే.. ఇక్కడ నెలవారీగా ఈఎంఐలకు రూ. 40 వేలకు మించి ఖర్చు చేయొద్దు. అప్పుడే మీరు అప్పుల్లో చిక్కుకోకుండా సురక్షితంగా ఉండగలుగుతారు. ఈ లిమిట్ దాటితే.. మీరు డేంజర్ జోన్‌లో ఉన్నట్లు అర్థం చేసుకోవాలి. ఈ లిమిట్ దాటకుండా జాగ్రత్త పడాలి.ఇందుకోసం.. మీరు లోన్ తీసుకునే సమయంలో ఈఎంఐ నెలకు ఎంత పడుతుందనేది ముందుగానే తెలుసుకోవాలి. సగటున ఎంత వడ్డీ రేటుకు.. ఎంత లోన్ మొత్తానికి.. నెలకు ఈఎంఐ ఎంత పడుతుందనేది ఈఎంఐ కాలిక్యులేటర్స్ ద్వారా తెలుసుకోవచ్చు. ఇందుకోసం.. హెచ్‌డీఎఫ్‌సీ బ్యాంక్, ఐసీఐసీఐ బ్యాంక్, బజాజ్ ఫైనాన్స్, కోటక్ బ్యాంక్.. ఇలా ఎన్నో వెబ్‌సైట్లలో అఫీషియల్ కాలిక్యులేటర్స్ అందుబాటులో ఉన్నాయి. ఇక్కడ మీరు ఎంత మొత్తం లోన్‌కు.. ఎంత శాతం వడ్డీ రేటుపై.. ఈఎంఐ నెలకు ఎంత కట్టాల్సి ఉంటుంది.. టెన్యూర్ పెంచుకుంటే ఈఎంఐ ఎంత పడుతుంది..? అలాగే ఈఎంఐ తగ్గాలంటే.. టెన్యూర్ ఎలా మార్చుకోవాలి.. ఇవన్నీ తెలుసుకోవచ్చు.ఆదాయంలో ఈఎంఐకి ఎంత పోతుందో తెలుసుకున్నప్పుడు.. ఆర్థిక క్రమశిక్షణ పాటిస్తారు. ఇక్కడ డిఫాల్ట్ అవకాశాలు తక్కువ. ఎంత ఖర్చు చేయాలనే దాని గురించి ముందే తెలుస్తుంది. కచ్చితమైన ప్లాన్స్ చేసుకోవచ్చు. ఇక్కడ దీనికి తగ్గట్లుగానే ముందస్తు చెల్లింపులు లేదా బ్యాలెన్స్ ట్రాన్స్‌ఫర్ వంటివి చేసుకునేందుకు వెసులుబాటు ఉంటుంది. ఇంకా.. ఈఎంఐలు చెల్లించేందుకు ఆటో డెబిట్ ఆప్షన్ పెట్టుకుంటే.. పేమెంట్స్ మిస్ అయ్యే ప్రమాదం తప్పుతుంది. తద్వారా.. క్రెడిట్ స్కోరు కూడా వేగంగా మెరుగుపడుతుంది. క్రెడిట్ స్కోరు మెరుగ్గా ఉంటే.. లోన్ వడ్డీ రేటు తగ్గొచ్చు దానికి అనుగుణంగా ఈఎంఐ తగ్గుతుంది.