పవిత్ర రంజాన్ మాస ఆరంభం సందర్భంగా శుభాకాంక్షలు

- చందమామ దర్శనంతో పవిత్ర మాసానికి శ్రీకారం

- ఉపవాస దీక్షలతో భక్తి భావన వెల్లివిరియాలి

- సమాజంలో ఐక్యత, సామరస్యాలు మరింత బలపడాలి

విజయవాడ, 19 ఫిబ్రవరి (పీపుల్స్ మోటివేషన్): పవిత్ర రంజాన్ మాసం ప్రారంభం సందర్భంగా ముస్లిం సోదర సోదరీమణులకు రాష్ట్ర మంత్రి పొంగురు నారాయణ శుభాకాంక్షలు తెలిపారు. చందమామ దర్శనంతో ప్రారంభమయ్యే ఈ పవిత్ర మాసం భక్తి, నియమ నిష్ఠలకు ప్రతీకగా నిలుస్తుందని పేర్కొన్నారు. ఉపవాస దీక్షలు, ప్రత్యేక ప్రార్థనలతో గడిచే రంజాన్ మాసం ప్రతి ఇంటికి శాంతి, సంతోషం, ఆరోగ్యం, ఐశ్వర్యం తీసుకురావాలని ఆకాంక్షించారు. ఈ పవిత్ర కాలంలో దానం, దయ, సహనం వంటి విలువలు మరింతగా పెంపొందాలని ఆయన కోరారు. దైవభక్తితో నిర్వహించే ప్రతి ఉపవాసం, ప్రతి ప్రార్థన ఆధ్యాత్మిక పరిపూర్ణతను అందించాలని, సమాజంలో ఐక్యతా భావం, సౌభ్రాతృత్వం మరింత బలపడాలని అల్లాహ్ కృప కోరుకుంటున్నట్లు మంత్రి తెలిపారు. రంజాన్ మాసం సమాజంలో శాంతి, సామరస్యాలకు నాంది కావాలని ఆశాభావం వ్యక్తం చేశారు.