జోగిపేటలో కాంగ్రెస్ కార్యకర్త కుటుంబాన్ని పరామర్శించిన మంత్రి

- రోడ్డు ప్రమాదంలో మృతి చెందిన యూసుఫ్‌కు నివాళి

- కుటుంబ సభ్యులతో మాట్లాడిన దామోదర్ రాజనర్సింహ

- అండగా ఉంటామని భరోసా

జోగిపేట, ఫిబ్రవరి 21 (పీపుల్స్ మోటివేషన్): ఆందోల్ నియోజకవర్గం ఆందోల్ – జోగిపేట మున్సిపాలిటీ 15వ వార్డుకు చెందిన కాంగ్రెస్ పార్టీ సీనియర్ కార్యకర్త యూసుఫ్ ఇటీవల జరిగిన రోడ్డు ప్రమాదంలో తీవ్రంగా గాయపడి చికిత్స పొందుతూ మృతి చెందిన ఘటనపై రాష్ట్ర వైద్య ఆరోగ్యశాఖ మంత్రి దామోదర్ రాజనర్సింహ సంతాపం వ్యక్తం చేశారు. యూసుఫ్ మృతి వార్త తెలుసుకున్న మంత్రి ఆయన నివాసానికి వెళ్లి కుటుంబ సభ్యులను పరామర్శించారు. కుటుంబ సభ్యుల దుఃఖాన్ని పంచుకుంటూ ప్రగాఢ సానుభూతి తెలిపారు. ముఖ్యంగా ఆయన సోదరుడు జీషాన్‌తో మాట్లాడి సంఘటన వివరాలు తెలుసుకున్నారు. కుటుంబానికి ప్రభుత్వం, పార్టీ తరఫున అవసరమైన సహాయం అందిస్తామని మంత్రి భరోసా ఇచ్చారు. కష్టకాలంలో ప్రభుత్వం అండగా ఉంటుందని తెలిపారు. యూసుఫ్ పార్టీకి నిబద్ధతతో పనిచేసిన కార్యకర్త అని స్మరించుకున్నారు. ఈ సందర్భంగా స్థానిక నాయకులు, కార్యకర్తలు కూడా కుటుంబ సభ్యులను పరామర్శించి సానుభూతి తెలిపారు.