ప్రజావేదికలో వినతుల స్వీకరణ

- మంగళగిరి పార్టీ కేంద్ర కార్యాలయంలో రాష్ట్ర అధ్యక్షుల మమేకం

- రాష్ట్ర నలుమూలల నుంచి వచ్చిన ప్రజల సమస్యల వినికిడి

- తక్షణ పరిష్కారాలకు మార్గనిర్దేశం

మంగళగిరి, ఫిబ్రవరి 20 (పీపుల్స్ మోటివేషన్): తెలుగుదేశం పార్టీ రాష్ట్ర అధ్యక్షులు పల్లా శ్రీనివాసరావు మంగళగిరిలోని పార్టీ కేంద్ర కార్యాలయంలో నిర్వహించిన ప్రజావేదిక కార్యక్రమంలో పాల్గొన్నారు. రాష్ట్ర నలుమూలల నుంచి వచ్చిన ప్రజలు, కార్యకర్తలతో నేరుగా మమేకమై వారి వినతులను ఆత్మీయంగా స్వీకరించారు. కార్యక్రమంలో ప్రజలు తమ వ్యక్తిగత, సామాజిక, పరిపాలనా సమస్యలను రాష్ట్ర అధ్యక్షుల దృష్టికి తీసుకువచ్చారు. తక్షణ పరిష్కారం సాధ్యమైన అంశాలపై అక్కడికక్కడే మార్గనిర్దేశం చేశారు. సంబంధిత అధికారులతో సంప్రదించి సమస్యలను వేగంగా పరిష్కరించేలా చర్యలు తీసుకోవాలని సూచించారు. ప్రజలతో ప్రత్యక్షంగా మాట్లాడి వారి అభిప్రాయాలను తెలుసుకోవడం ప్రజా ప్రతినిధుల బాధ్యత అని పల్లా శ్రీనివాసరావు పేర్కొన్నారు. పార్టీ ఎల్లప్పుడూ ప్రజల పక్షాన నిలుస్తుందని భరోసా ఇచ్చారు. ప్రజావేదిక వంటి కార్యక్రమాలు ప్రజల సమస్యలను ప్రభుత్వ దృష్టికి తీసుకువెళ్లే వేదికగా నిలుస్తాయని కార్యకర్తలు అభిప్రాయపడ్డారు. కార్యక్రమం సజావుగా కొనసాగింది.