విశాఖకు మంత్రి నారా లోకేష్ రాక

- విమానాశ్రయంలో ఘన స్వాగతం

- కార్యకర్తలతో ఆత్మీయ భేటీ

- వివాహ వేడుకకు హాజరు

విశాఖపట్నం, 5 మార్చి (పీపుల్స్ మోటివేషన్): విద్య మరియు సమాచార సాంకేతిక శాఖల మంత్రి నారా లోకేష్ విశాఖపట్నం విమానాశ్రయానికి చేరుకున్నారు. ఆయనకు అక్కడ తెలుగుదేశం పార్టీ ప్రజాప్రతినిధులు, నాయకులు మరియు కార్యకర్తలు ఘన స్వాగతం పలికారు. విమానాశ్రయం వద్ద పెద్ద సంఖ్యలో పార్టీ కార్యకర్తలు చేరుకుని మంత్రిని అభినందించారు. ఈ సందర్భంగా నారా లోకేష్ కార్యకర్తలను ఆత్మీయంగా కలుసుకుని వారితో మాట్లాడారు. పలువురు కార్యకర్తలతో కలిసి ఫోటోలు కూడా దిగారు. తదుపరి మంత్రి లోకేష్ విశాఖలోని వాల్తేర్ క్లబ్‌కు వెళ్లనున్నారు. అక్కడ తెలుగుదేశం పార్టీ రాష్ట్ర కార్యనిర్వాహక కార్యదర్శి మెట్ల వెంకటరమణ సోదరుని కుమారుడి వివాహ వేడుకలో పాల్గొననున్నారు. వివాహ వేడుకలో పాల్గొని వధూవరులకు ఆశీస్సులు అందించనున్నారు. ఈ కార్యక్రమానికి పలువురు పార్టీ నాయకులు, ప్రముఖులు హాజరుకానున్నట్లు సమాచారం.