మూలపేట పోర్ట్ సభకు శ్రీకాకుళంలో సన్నాహాలు

- మార్చి 30 సభపై నేతల సమీక్ష సమావేశం

- నాయకులు, కార్యకర్తలతో విస్తృత చర్చలు

- పార్టీ శ్రేణులకు కార్యాచరణ దిశానిర్దేశం

శ్రీకాకుళం, మార్చి 25 (పీపుల్స్ మోటివేషన్): మూలపేట పోర్ట్‌కు మద్దతుగా నిర్వహించనున్న “మన మూలపేట పోర్ట్‌కు పోదాం పదండి” కార్యక్రమంలో భాగంగా ఈ నెల 30న జరగబోయే సభకు సంబంధించి శ్రీకాకుళంలో సన్నాహాలు ఊపందుకున్నాయి. ఈ నేపథ్యంలో శ్రీకాకుళం రూరల్ మండలం, కార్పొరేషన్ పరిధిలోని నాయకులు, కార్యకర్తలతో సమీక్షా సమావేశం నిర్వహించారు.

ఈ సమావేశానికి మాజీ మంత్రి ధర్మాన ప్రసాదరావు, యువనేత ధర్మాన రామ్ మనోహర్ నాయుడు, నియోజకవర్గ పరిశీలకుడు పిన్నిటి సాయికుమార్ పాల్గొన్నారు. సభను విజయవంతం చేయడానికి తీసుకోవాల్సిన చర్యలు, కార్యకర్తల బాధ్యతలు, జన సమీకరణపై విస్తృతంగా చర్చించారు.

రాబోయే సభకు పెద్ద ఎత్తున ప్రజలను సమీకరించాలని నేతలు సూచించారు. ప్రతి మండలం, ప్రతి గ్రామం నుంచి భారీగా పాల్గొనేలా కార్యాచరణ ప్రణాళిక సిద్ధం చేయాలని సూచించారు. మూలపేట పోర్ట్ ప్రాధాన్యతను ప్రజలకు వివరించి కార్యక్రమాన్ని విజయవంతం చేయాలని పిలుపునిచ్చారు. ఈ సమావేశంలో రాష్ట్ర అనుబంధ విభాగాల అధ్యక్షులు, ఎస్ఈసీ సభ్యులు, నియోజకవర్గ పరిశీలకులు, మాజీ మున్సిపల్ ఛైర్మన్‌లు, కార్పొరేషన్ ఛైర్మన్‌లు, ఎంపీపీలు, జెడ్పీటీసీలు, మండల అధ్యక్షులు, సర్పంచులు, ఎంపీటీసీలు, పార్టీ నాయకులు, యువజన విభాగం సభ్యులు, మహిళలు, సోషల్ మీడియా కార్యకర్తలు పాల్గొన్నారు.

సభ విజయవంతం కోసం అందరూ సమన్వయంతో పని చేయాలని నేతలు సూచించారు. మూలపేట పోర్ట్ అభివృద్ధి ప్రాంతానికి ఎంతో ఉపయోగకరమని, ఈ కార్యక్రమం ద్వారా ప్రజల్లో అవగాహన పెంచాలని పేర్కొన్నారు. భారీగా ప్రజలు పాల్గొనేలా చర్యలు చేపట్టాలని నాయకులు స్పష్టం చేశారు.